web counter
LEXO PA REKLAMA!

SHKARKO APP

App Store
Google Play

E fundit!

x

Kabineti “Rama 4”/ Lorenc Vangjeli: Nuk do të ketë lajm dhe surpriza

8 Shtator 2025, 21:26, Politikë CNA

Kabineti “Rama 4”/ Lorenc Vangjeli: Nuk do të ketë lajm

Analisti Lorenc Vangjeli ka folur për atë që pritet të ndodhë në 11 shtator ku do të shpallet dhe qeveria e re Rama 4.

I ftuar në një emision, Vangjeli është shprehur se nuk do të ketë lajm dhe surpriza.

“Lajmi që presin të gjithë është që s’do të ketë asnjë lajm,  surpriza më e madhe është se s’do të ketë asnjë surprizë.

Emrat e përveçëm do të bien përpara asaj që do të jetë identikiti i njerëzve të rinj të qeverisë.

Nuk do të ndryshojnë nga të vjetrit. Do të jenë më të rinj në moshë dhe shumë më pak të shqetësuar për atë që do të sjellë e nesërmja.

Vetëm në 2-3 emra Rama mund të ketë dilema, pjesa tjetër pastaj s’ka asnjë lajm.

Ka shumë gjasa, por edhe këtu jemi në kuadrin e spekulimit, pasi Rama ka dashur vetë ta lejojë një gjë të tillë, se qeveria do të dalë nga një seleksionim i gjatë kandidaturash, njerëzish. Duket sikur është trajneri i një kombëtareje si e Brazilit, që ke me dhjetëra mijëra kandidatura dhe nuk di se kë të marrësh. Edhe talenti në qeverisje për Ramën nuk është se është ndonjë bonus. Në fund ai do të zgjedhë ata që janë sipas shijes së tij dhe do të jenë secili në vetvete një lloj miniature e Ramës”, tha Vangjeli./ CNA





Lajmet e fundit nga