web counter
LEXO PA REKLAMA!

SHKARKO APP

App Store
Google Play

E fundit!

x

Dosja "McGonigal"/ Berisha: Rama është i përlyer kokë e këmbë në një aferë korruptive spiunazhi

8 Shtator 2025, 12:58, Politikë CNA

Dosja "McGonigal"/ Berisha: Rama është i përlyer

Kreu i Partisë Demokratike, Sali Berisha, akuzoi sot kryeministrin Edi Rama se është i përlyer kokë e këmbë në një aferë korruptive spiunazhi të lidhur me çështjen "McGonigal".

Në një konferencë për gazetarët nga selia e PD-së, Berisha tha se kjo dosje përbën një veprimtari kriminale tashmë të faktuar, e dokumentuar plotësisht ndaj Ramës.

Berisha u ndal edhe te lidhjet miqësore të McGonigal me kryeministrin dhe njerëz të tjerë të lidhur me të.

“Do të rikthehem përsëri te çështja, e cila vazhdon të përbëjë lajm botëror.

Vazhdon të përbëjë lajm botëror, çështje në të cilën emri i Edi Ramës, kreut të organizatës kriminale të narkoshtetit shqiptar, lakohet në mënyrën më damkosëse dhe të përsëritur.

Mediat më të mëdha botërore janë kthyer përsëri këto ditë me tituj nga më të rëndët, nga më goditësit për mikun që e bënte krenar Edi Ramën me miqësinë e tij, Charles McGonigal.

Tashmë lidhjet e tij, së bashku me Dorian Duçkën e Edi Ramën, si agjent i paregjistruar kinez, i cili dekonspironte operacionet e vendit të tij kundër sipërmarrjes së organeve të zbulimit të Kinës dhe pagesat e këshilltarit të Edi Ramës, Dorian Duçka.

Me një fjalë, Edi Rama i përlyer kokë e këmbë në një aferë korruptive spiunazhi nga më të mëdhatë e kohës.

Raporti i Inspektorit të Përgjithshëm, i cili për pjesën e botuar, se ka edhe pjesën e redaktuar dhe për atë nuk mund të flasim, por për pjesën e botuar, është orientuar kryesisht drejt profilit të veprimtarisë së tij me konglomeratin energjetik kinez dhe fondacionin e këtij konglomerati, Dorian Duçkën e Edi Ramës.

Pra, një veprimtari kriminale tashmë e faktuar, e dokumentuar plotësisht për Edi Ramën.

Edi Rama, siç e dini ju, nga dokumentet e tjera, është personi që me kërkesën e McGonigal, i hoqi licencën një kompanie ruse dhe ia dha një kompanie tjetër ruse dhe kjo është e faktuar plotësisht.

Edi Rama përdori McGonigal kundër opozitës shqiptare dhe e pagoi atë për këto veprime, siç kanë njoftuar mediat ndërkombëtare, por edhe dokumentet amerikane, e pagoi me 225 mijë dollarë”,-tha Berisha./CNA

 

 





Lajmet e fundit nga