web counter
LEXO PA REKLAMA!

SHKARKO APP

App Store
Google Play

E fundit!

x

Ushqimet me kimikate u kthyen nga BE-ja/ Muçollari: Konfirmojnë dështimin kriminal të qeverisë

8 Shtator 2025, 14:21, Politikë CNA

Ushqimet me kimikate u kthyen nga BE-ja/ Muçollari: Konfirmojnë

Anëtari i Kryesisë së PD-së, Grigels Muçollari, në një deklaratë për mediat ka folur për fruta-perimet që janë konstatuar se kanë në përmbajtje elementë të rrezikshëm.

Muçollari tha se këto raste të përsëritura konfirmojnë dështimin e qeverisë në fushën e sigurisë ushqimore.

Më tej, Muçollari u shpreh se qeveria nuk e mbështet dhe nuk e monitoron fermerin. Këto, deklaroi Muçollari, janë tiparet e një qeverie që nuk ka prioritet qytetarin, por kullat dhe pastrimin e parave.

“Brenda një jave, tri produkte 'Made in Albania' janë ndaluar dhe janë kthyer mbrapsht nga vendet fqinje, për shkak të përmbajtjes së elementëve të rrezikshëm për shëndetin.

Vende të BE-së si Kroacia, Sllovenia, Polonia, por edhe Bosnje-Hercegovina, nuk kanë lejuar domatet, pjeshkët dhe specat e vendit tonë të tregtohen e konsumohen atje, pasi rezultuan si rrezik serioz për shëndetin.

Këto raste të përsëritura konfirmojnë dështimin kriminal të qeverisë në fushën jetike të sigurisë ushqimore.

Alarme si këto janë dëshmitarë të dyfishtë të rrënimit: ne nuk e dimë çfarë konsumojmë, këtë na e bëjnë me dije autoritetet e vendeve të tjera.

Qeveria as e mbështet dhe as e monitoron fermerin.

Ajo nuk ofron asnjë siguri për prodhimet që hyjnë apo prodhohen në vend. Shëndeti i fëmijëve dhe të rriturve vihet në rrezik nga ushqimet me përmbajtje të lartë pesticidesh, apo deri dhe metale të dëmshme, siç i dëshmojnë rastet sllovenët dhe kroatët. Këto janë tiparet e një qeverie që nuk ka prioritet njerëzit, por kullat, tenderët, dhe pastrimin e parave.

Aksionet dhe gjobat ndëshkuese ndaj tregtarëve të vegjël dhe propaganda me drejtorë nuk janë zgjidhje, por një përpjekje për të mbuluar dështimin kapilar. Një qeveri autokratike nuk mund të ketë në konsideratë domatet, qumështin, frutat e perimet e këtij vendi. Ajo ruan kolonat ku mbahet vetë: korrupsionin, pastrimin e parave dhe aktivitetet e jashtëligjshme. Ky është një sinjal i fortë për qytetarët që të mos pranojnë më një narkoshtet që mburret me dronët, por nuk arrin të garantojë as domatet”, tha Muçollari./CNA





Lajmet e fundit nga