web counter
LEXO PA REKLAMA!

SHKARKO APP

App Store
Google Play

E fundit!

x

McGonigal bashkëpunoi me Ramën dhe rusët/ "Duçka spiunoi një kompani kineze"

8 Shtator 2025, 18:55, Politikë CNA

McGonigal bashkëpunoi me Ramën dhe rusët/ "Duçka

E ftuar në emisionin “Task Force” me Sonila Meçon ekspertja e marrëdhënieve ndërkombëtare Ilda Zhulali tha se me ardhjen e Trump ka nisur një agjendë e re politike dhe politikat e mëparshme të Biden janë kthyer përmbys.

Zhulali duke analizuar zhvillimet e fundit përsa i përket dosjes “McGonigal” tha se edhe pse hetimi nisi në kohën e Biden nuk ishte shterues dhe se hetimi mbetet i hapur.

Zhulali shpjegoi se deri tani ka dy pista hetimi për “McGonigal” njëra për bashkëpunim me rusët dhe një pistë tjetër ajo e bashkëpunimit me kryeministrin Edi Rama dhe këshilltarin e tij Dorian Duçka për të cilat është dënuar nga gjykata.

"Ajo që është fakt është që me ardhjen e Trump, ne kemi një epokë të re dhe një axhendë të re politike, që e kthejmë përmbys axhendën e mëparshme të administratës Biden. Raporti që ka dalë nga hetimi i brendshëm administrativ, që është nga Departamenti i Drejtësisë, është kryer më së shumti gjatë kohës së Biden dhe ka elementë që mund të ketë prekur administrata e Trump tani për tani.

Kjo nuk  do të thotë që ky hetim ka qenë shterues. Kështu që shtegu mbetet i hapur për një hetim edhe më të plotë dhe për pista të reja të këtij hetimi në raport me McGonigal por dhe gjithë personazhet që dalin bë dosje.

Deri tani McGonigal është parë në dy pista: -Në pistën me bashkëpunimin me rusët dhe në pistën e bashkëpunimit në korrupsion me kryeministrin Rama me këshilltarin e tij dhe agjentin tjetër në Amerikë," deklaroi Zhulali.

Zhulali bëri një deklaratë të fortë ku tha se Dorian Duçka, po ashtu ka qenë bashkëpunëtor me McGonigal për të spiunuar për një kompani kineze.

 

"Këto janë dy pistat kryesore për të cilat ai ka marrë edhe dënim në gjykatë. Ndërkohë, aty del qartësisht që këshilltari i kryeministrit Rama, sepse ashtu ishte prezantuar, Dorian Duçka, po ashtu ka qenë bashkëpunëtor me McGonigal për të spiunuar për një kompani kineze. Mos të harrojmë që sot në Amerikë marrëdhëniet me Kinën janë prioritare dhe kanë si të thuash kujdes të veçantë, sidomos nga administrata e Trump, për t’i parë këto si marrëdhënie rivaliteti, bashkëpunimi", tha Zhulali./CNA

 

 

 





Lajmet e fundit nga