web counter
LEXO PA REKLAMA!

SHKARKO APP

App Store
Google Play

Gazment Bardhi, duke i falsifikuar, përdor siglat e Kuvendit për një shkresë që ai e quan kallëzim

8 Shtator 2025, 15:44, Politikë CNA
Gazment Bardhi, duke i falsifikuar, përdor siglat e Kuvendit për
Gazment Bardhi

Gazment Bardhi ka përdorur letrën me shenjat e Kuvendit të Shqipërisë për një shkresë të depozituar në SPAK, të cilën ai e shpërndan si kallëzim penal.

Për dijeni, shkresat me shenjat e Kuvendit mund të përdoren vetëm për shkresa që dalin nga Kuvendi i Shqipërisë.

Gazment Bardhi, duke i falsifikuar, përdor siglat e Kuvendit për
Statusi i Gazment Bardhit

Në rastin e një shkrese të një grupi parlamentar, këto shkresa hartohen në letër që përmban shenjat identifikuese të grupit parlamentar të Kuvendit dhe depozitohen për procedim në drejtim të institucionit ose personit të cilit i drejtohen.

Një kopje e tyre, pra regjistrohet dhe merr shënimet përkatëse si numri i protokollit dhe data, nga regjistri i protokollit të Kuvendit. Kështu, shkresa mbetet gjithmonë në arshivat e Kuvendit.

Më pas është Sekretari i Përgjithshëm i Kuvendit që përcjell shkresën e grupit parlamentar, të shoqëruar me një shkresë përcjellëse me shenjat e Kuvendit dhe që nënshkruhet nga vetë Sekretari i Përgjithshëm.

Gazment Bardhi ka hartuar një shkresë fund e krye të falsifikuar.

Nënshkruan në emër të grupit parlamentar kur mbledhje dhe nënshkrime të grupit nuk ka.

Përdor stemën dhe logon e Kuvendit, kur Kuvendi nuk ka të depozituar asnjë shkresë me firma nga Gazment Bardhi dhe nuk ka proceduar asnjë shkresë të grupit parlamentar të Partisë Demokratike në adresë të SPAK-ut.

Nga stili i përdorur, ky stili i Gazit ngjan shumë me taktikat elektorale të Adriatik Lapajt.

Nga anët tona thonë: "ngjajnë pa bëhet krushqia"./ CNA





Lajmet e fundit nga