Nisja e vitit shkollor/ Zhupa: Përgjysmim i numrit të nxënësve, shkak zbrazja e Shqipërisë

8 Shtator 2025, 18:10, Politikë CNA

Nisja e vitit shkollor/ Zhupa: Përgjysmim i numrit të

Deputetja e Partisë Demokratike, Ina Zhupa në një intervistë për “Syri TV” për ditën e parë të shkollës deklaroi se në vitin shkollor 2025-2026 ka një përgjysmin të regjistrimeve në shkolla nga klasa e parë deri në gjimnaz.

Rënia e numrit të regjistrimeve sipas deputetes Zhupa lidhet me largimet nga vendi. Për deputeten e PD-së arsimi në vendin tonë është më i indoktrinuari dhe nuk ka qenë asnjëherë prioritet i qeverive të Ramës.

Zhupa tha se vetëm në një mandat 2021-2025 me qeverisjen e Edi Ramës, ka 19% më pak nxënës në gjimnaze, 17% nxënës më pak nga klasa e 6 de në klasën e 9, dhe11% nga klasa e parë deri në klasën e pestë.

"Fatkeqësia është që në këtë qeverisje, arsimi nuk ka qenë ndonjëherë prioritet në asnjë aspekt. Përkundrazi kanë funksionuar sipas asaj filozofisë së njohur që ‘një popull nëse do ta kontrollosh, kontrollohet nëpërmjet arsimit dhe gjithmonë pushtetarët që nuk e duan popullin e tyre por duan më shumë pushtetin e tyre, e kontrollojnë atë nëpërmjet arsimit. Duke mos e lejuar kështu, që të mos kenë një popull të edukuar.

Këtë ne në fakt e kemi parë edhe në diktaturë në Shqipëri, ku arsimi ishte më i indoktrinuari. Aty formohej njeriu i ri socialist, aty zgjidheshin tekstet që do të kalonin për të indoktrinuar me filozofinë komuniste, ndërsa metoda tjetër është që nëse nuk e indoktrinon dot për shkak të avancimit të shoqërisë, të teknologjisë, të njohurive, të një demokracisë që po jeton, atëherë shkatërroje atë, bëje atë joefektiv për të marrë dije dhe për tu forcuar intelektualist.

Kjo po ndodh në fakt në Shqipëri dhe ju e përmendët me të drejtë dhe një nga të dhënat kryesore të këtij viti është rënia e numrit të nxënësve. Dhe rënia e numrit të nxënësve është qartësisht e lidhur me largimet nga Shqipëria, me ikjet edhe për shkak të dështimit në arsim. Unë sot kam publikuar shifra të vetëm një mandati të Edi Ramës, nuk e kam nisur nga 2013 se ashtu është gati një katastrofë, se ashtu është gati një përgjysmim i nxënësve, por vetëm në një mandat 2021-2025 me qeverisjen e Edi Ramës, ne kemi -19% më pak nxënës në gjimnaze, -17% të nxënësve nga klasa e 6 deri në klasën e 9, -11% nga klasa e parë deri në klasën e pestë. Pra, kemi një zbrazje të Shqipërisë", tha Zhupa./CNA