web counter
LEXO PA REKLAMA!

SHKARKO APP

App Store
Google Play

"Kabineti nuk pati surpriza"/ Këlliçi: Emrat problem periferik, ngrehinën e korrupsionit e mban Rama

11 Shtator 2025, 21:17, Politikë CNA

"Kabineti nuk pati surpriza"/ Këlliçi: Emrat problem

Deputeti i Partisë Demokratike, Belind Këlliçi i ftuar në emisionin "Quo Vadis" në Vizion Plus analizoi kabinetin e ri qeveritar, për të cilin tha se nuk ka surpriza.

Për Këlliçin emrat janë çështje periferike pasi ngrehinën e korrupsionit e mban në këmbë Edi Rama. Deputeti parashikon që korrupsioni në 4 vitet e ardhshme do jetë galopant. 

Belind Këlliçi tha se në PS nuk ka meritokraci dhe transparencë.

"Nuk është se ka surprizë. Këtë sistem e mabn në këmbë një individ i vetëm, Edi Rama. Ikin apo vinë ministra, a ka ministra me IA, a ka ministra që kanë probleme me SPAK, këto janë çështje periferike, për sa kohë që personi që mban këtë ngreghinë në këmbë ëhstë Edi Rama. Sot nuk kemi parë ndonjë rifreskim të qeverisë sa i përket figurave, kemi parë përforcim të pushtetit të Belinda Ballukut, tregon se nivelet e korrupsionit do të jetë të pahasura deri më sot. Duke parë se çfarë ka ndodhur sot, ku sot përfundoi dhe kapitulli i fundit i Bashkisë së Tiranës, ku u shkarkua kryebashkiaku, i cili sipas burimeve informale kishte refuzuar dorëheqjen, pritej të dobësosheshin klanet e tjera brenda PS. Perosant që sot janë me dosje të rënda hetimore në SPAK, duke nisur nga kreu i grupit parlamentar Taulant Balla, ku janë bërë publike përgjime të SKY ku flitet për lidhjet e Ballës me grupin e Elbasanit do të çonin në një logjikë normale që do të kishte mënjanim të Taulant Ballës. Duke rikthyer atë në grupin parlemantar duket se Rama ka vendosur të bëhet mburojë e tyre. Rama ka qenë prej vitesh në një one man shoë, është për të ardhur keq që edhe Ministri i ri i Drejtësisë, u shtang kur dëgjoi emrin. Është për të ardhur keq që sot askush nuk dinte çfarë do të ndodhte. Këtu nuk ka vlerësim, karriere, vlerësim performance." tha Këlliçi./CNA

 

 





Lajmet e fundit nga