web counter
LEXO PA REKLAMA!

SHKARKO APP

App Store
Google Play

E fundit!

x

I braktisur nga kandidatët/ Alibeaj “mban fort” Bejkon

14 Prill 2023, 13:59, Politikë CNA
I braktisur nga kandidatët/ Alibeaj “mban fort” Bejkon
Foto ilustruese

Kryetari i komanduar i PD-së së vulës, Enkelejd Alibeaj, i braktisur nga një numër i madh kandidatësh, është mbajtur fort pas Roland Bejkos, duke e ngritur në "qiell", duke folur me superlativa për kandidatin e vulës.

Alibeaj është shprehur se një profil si i Roland Bejkos është esenca e asaj çfarë në këto 30 vite PD do të duhej të ishte e çfarë duhet të jetë nesër.

“Falë rezistencës së demokratëve, PD do të ndihet më e fortë, do të jetë alternativa qeverisëse në të ardhmen, sepse është kontributi i njerëzve të lirë.

Jemi më të bindur që vlerat te të cilat besojmë te një PD perëndimore, vlerat e demokracisë dhe parimet e shtetit të së drejtës janë thelbi kryesor i lindjes dhe ekzistencës së PD-së. Këto parime i kemi mbrojtur gjithmonë, e drejta, e vërteta edhe mund të vonojë.

Beteja që kemi për Tiranën merr një rëndësi të veçantë, është kryeqyteti i të gjithë shqiptarëve, qendra ekonomike, politike, konferenca e të gjithë Shqipërisë, ndaj mbështetja jonë për Roland Bejkon është për PD-në, për të ardhmen e PD-së. Jam i bindur që kandidatura dhe profili i Roland Bejkos është esenca e asaj çfarë në këto 30 vite PD do të duhej të ishte e çfarë duhet të jetë nesër.

Vlera si integriteti, koherenca, idealizmi, kontributi historik, mosbërja kompromis janë vlera që duhet t’i bëjmë së bashku. Kjo është baza me të cilën do të ecim gjatë kësaj fushate në shërbim të Tiranës jo vetëm tani por edhe në të ardhmen”, tha Alibeaj./ CNA.al





Lajmet e fundit nga