web counter
LEXO PA REKLAMA!

SHKARKO APP

App Store
Google Play

Humbja e opozitës në zgjedhje/ Rama: Pengmarrësit e të djathtës pësuan disfatë skandaloze

22 Maj 2023, 18:10, Politikë CNA
Humbja e opozitës në zgjedhje/ Rama: Pengmarrësit e të
Kryeministri Edi Rama

Kryeministri Edi Rama është ndalur këtë pasdite në Bulqizë dhe Peshkopi, gjatë turit të falenderimit pas fitores në zgjedhje, ku socialistët morën 53 bashki.

Rama nuk kurseu kritikat dhe akuzat ndaj opozitës për humbjen që pësoi në 14 maj. Ai deklaroi se disfata skandaloze ishte e personave që kanë marrë peng opozitën dhe jo e njerëzve.

“Dua të falënderoj edhe ata që nuk dolën të votojnë, ata që i thonë vetes të djathtë por në respekt të vetes, nuk e ndyen dorën për të vënë votën tek një koalicion i cili ka ngrënë shuplakën më të rëndë ndonjëherë nga shqiptarët që u bënë bashkë duke i votuar ose duke mos i votuar. Do bëj çdo përpjekje që është në dorën time, të gjithë ata që janë me mua, të bëjnë përpjekje që ajo harta elektorale që për herë të parë është harta e një Shqipërie që nuk është e ndarë, të mos jetë e tillë edhe për herë të fundit.

Dua që ne ta shtyjmë përpara këtë vend dhe shoqëri që të votojë gjithmonë e më shumë me mend dhe jo me tifozllëk. Kjo disfatë skandaloze e atyre që e kanë marrë peng të djathtën shqiptare, nuk është disfata e njerëzve që besojnë në zgjedhje të tjera, por e një grushti njerëzish dhe një rrethi të verbërish rreth tyre”, deklaroi kreu i qeverisë./ CNA.al





Lajmet e fundit nga