web counter
LEXO PA REKLAMA!

SHKARKO APP

App Store
Google Play

Berisha: PS përmes bandave po përpiqet të vjedhë votat e emigrantëve

11 Dhjetor 2024, 08:12, Politikë CNA
Berisha: PS përmes bandave po përpiqet të vjedhë votat e
Kreu i PD-së Sali Berisha

Kreu i PD-së, Sali Berisha, ka folur për votën e emigrantëve duke thënë se kryeministri Edi Rama dhe i ngarkuari për Diasporën, Taulant Balla, po bëjnë gjithçka për të vjedhur votat e shqiptarëve kudo që janë duke përdorur bandat dhe grupet kriminale.

I ftuar në emisionin "Kafe Shqeto", Berisha tha se PD po bën gjithçka që të mos lejojë qeverinë të ndërhyjë te vota e emigrantëve, për të siguruar transparencë dhe që vota e tyre të numërohet.

“Ky është një akt themelor për shtetin shqiptar, pasi u respektohet e drejta e votës shqiptarëve kudo që janë. Ka dy drejtime.

Një drejtim i qeverisë që po bën gati për manipulimin përmes kësaj vote, po bën gjithçka për blerje votash, ka ngarkuar për Diasporën eksponentin më të inkriminuar pas Ramës që është Balla i cili del i implikuar me fakte të pakundërshtueshme në një seri krimesh që përbëjnë vepra nga më të rënda penale. Lidhjet e tij me botën e krimit janë më të forta.

Ndaj ka ngarkuar ballën që ta bazojë te grupet kriminale dhe bandat që financojnë me paratë e tyre të krimit blerje votash si dhe kërcënojnë shqipatrët brenda dhe jashtë vendit për të vjedhur votat.

Përpjekja jonë është të garantojmë transparencë dhe pamundësinë e ndërhyrjes në proces nga qeveria. Po bëjmë gjithçka për këtë proces, një grup po punon për rregulla sa më të qarta. Do bëjmë gjithçka që vota juaj të numërohet”, u shpreh Berisha./ CNA





Lajmet e fundit nga