web counter
LEXO PA REKLAMA!

SHKARKO APP

App Store
Google Play

E fundit!

x

Elisa e inceneratorëve, në botën e çudirave/ "Komisioni i Venecias na dha të drejtë"

10 Dhjetor 2024, 15:54, Politikë CNA
Elisa e inceneratorëve, në botën e çudirave/
Kryetarja e Parlamentit, Elisa Spiropali

Ditën e sotme është bërë publik draft-opinioni i Komisionit të Venecias i cili ka rrëzuar mazhorancën, në lidhje me mandatin e Olta Xhaçkës.

Komisioni i Venecias deklaroi se parlamenti dhe mazhoranca duhet të zbatojnë vendimin e Gjykatës Kushtetuese.

Megjithatë, kryetarja e Parlamentit, Elisa Spiropali, e njohur si Elisa e inceneratorëve, pretendon të kundërtën e kësaj.

Elisa e inceneratorëve, duke hyrë në botën e saj të çudirave na thotë se Komisioni i Venecias i ka dhënë të drejtë mazhorancës dhe se Gjykata Kushtetuese po prek pavarësinë e deputetëve.

“Besoj tani është e qartë për të gjithë se qëndrimi ynë lidhur me procesin e trajtimit të mandatit të deputetes Olta Xhaçka nuk ishte një qëndrim as politik, as partiak, por një qëndrim kushtetues që lidhet me sovranitetin e paprekshëm të Kuvendit!

Gjykata Kushtetuese ka kërkuar që deputetët të votojnë në një mënyrë të caktuar dhe kjo nga ne është lexuar jo thjesht si ndërhyrje në pavarësinë e Kuvendit, por në radhë të parë si një vendim i pazbatueshëm për shkak të pamundësisë së një rregulli që i imponon deputetit se si të votojë!

Sot morën përgjigje edhe të gjitha akuzat, shpifjet dhe propaganda me të pavërteta kundër këtij qëndrimi, por si Kryetare Kuvendi ndihem e lehtësuar dhe për këtë falënderoj Komisionin e Venecias që e shqyrtoi me shpejtësi dhe seriozitet maksimal kërkesën time.

Kam bindjen se ky opinion i drejtë do t’u shërbejë të gjitha palëve dhe institucioneve për reflektim në zgjidhjen drejt të çështjeve në lidhje me papajtueshmërinë e mandatit të deputetit në të ardhmen”, deklaron Spiropali.

Elisa e inceneratorëve e ka lexuar mbrapsht draft-opinionin, pasi Komisioni i Venecias kërkon që mazhoranca të zbatojë vendimet e Gjykatës Kushtetuese./ CNA





Lajmet e fundit nga