web counter
LEXO PA REKLAMA!

SHKARKO APP

App Store
Google Play

E fundit!

x

Draft-opinioni i Venecias/ Zhupa: Puçi Kushtetues për mandatin e Xhaçkës, të marrë fund

10 Dhjetor 2024, 15:18, Politikë CNA
Draft-opinioni i Venecias/ Zhupa: Puçi Kushtetues për mandatin e
Deputetja Ina Zhupa

Deputetja Ina Zhupa ka reaguar për draft-opinionin e Komisionit të Venecias, në lidhje me mandatin e Olta Xhaçkës.

Me anë të një statusi në rrjetet sociale, e cilëson palaçollëk moszbatimin e vendimit të Gjykatës Kushtetuese nga mazhoranca.

Ajo deklaron se tashmë edhe Komisioni i Venecias ka kërkuar që çështja e mandatit t’i kalojë Gjykatës Kushtetuese.

“Komisioni i Venecias tha atë që e di çdo njeri, çdo jurist, vendimet e Gjykatës Kushtetuese zbatohen, ndryshe s'ka shtet të së drejtës.

Palaçollëku i një mazhorance për të mos zbatuar vendimet e Gjykatës Kushtetuese duhet të ndalojë një sekondë e më parë. Mandati i Olta Xhaçkës duhet shkojë në Gjykatën Kushtetuese.

Komisioni i Venecias shprehet:

“Parlamenti nuk mund t’i referohet parimit të ndarjes së pushteteve për të refuzuar të respektojë dhe të zbatojë vendimet e Gjykatës Kushtetuese. Pra nuk mund të ketë diskrecion politik për të respektuar dhe zbatuar vendimet e Gjykatës Kushtetuese. Në këtë rast specifik, Gjykata Kushtetuese ka dhënë dy vendime dhe pajtueshmëria me këto vendime nuk duhet të bëhet kushtëzuar nga vota apo nga shumica parlamentare”.

“Kur një gjykim i Gjykatës Kushtetuese interpreton se Kushtetuta kufizon fuqinë vendimmarrëse të Parlamentit, ky i fundit duhet të zbatojë vendimin dhe ta votojë çështjen në fjalë siç është përcaktuar nga Gjykata Kushtetuese dhe jo vetëm mbi mundësinë e dërgimit të çështjes në Gjykatën Kushtetuese”.

Më qartë nuk ka!

Puçi Kushtetues të marr fund!”, thekson deputetja./ CNA





Lajmet e fundit nga