web counter
LEXO PA REKLAMA!

SHKARKO APP

App Store
Google Play

Bardhi i përgjigjet Spiropalit/ Rilexo opinionin e Venecias, po dezinformon

10 Dhjetor 2024, 16:11, Politikë CNA
Bardhi i përgjigjet Spiropalit/ Rilexo opinionin e Venecias, po dezinformon
Kreu i Grupit Parlamentar të PD-së, Gazment Bardhi

Kreu i Grupit Parlamentar të PD-së, Gazment Bardhi, ka reaguar pas deklaratës së kryeparlamentares Elisa Spiropali për draft-opinionin e Komisionit të Venecias, në lidhje me mandatin e deputetes Olta Xhaçka.

Bardhi ka shkruar në rrjetet sociale se Spiropali duhet ta rilexojë edhe njëherë opinionin, duhet ta kuptojë dhe më pas ta zbatojë.

Ai ka ngritur akuzat se Spiropali po kryen dezinformim që tregon se do të vazhdojë mbrojtjen e Xhaçkës.

“Kryetarja e Kuvendit duhet ta rilexojë edhe njëherë opinionin e Komisionit të Venecias, ta kuptojë dhe ta zbatojë. Dezinformimi i saj që vazhdon edhe pasi opinioni është publik tregon se ka një tentativë për të vijuar me mbrojtjen e paprecedent ndaj deputetëve që shkelin kushtetutën për përfitime personale, tërësisht në të kundër të asaj që Komisioni i Venecias këshillon.

Kryetarja e Kuvendit Elisa Spiropali nga sot ka vetëm një detyrim: Të zbatojë dy vendime të Gjykatës Kushtetuese, siç këshillon në opinionin e tij edhe Komisioni i Venecias. Çdo deformim apo devijim nga thelbi i opinionit dhe përhumbja nga detaje pa thelb nuk ndihmojnë në forcimin e demokracisë dhe as të shtetit ligjor”, ka theksuar Bardhi./ CNA





Lajmet e fundit nga