web counter
LEXO PA REKLAMA!

SHKARKO APP

App Store
Google Play

E fundit!

x

Të pathënat e mbledhjes së PS-së/ Balluku i “tërheq veshin” Spiropalit, kritika për “Mamicën”

11 Dhjetor 2024, 08:00, Politikë CNA

Të pathënat e mbledhjes së PS-së/ Balluku i

Detaje të reja dhe të pathëna në publik kanë dalë nga mbledhja e socialistëve një ditë më parë, ku përveç organizimit të strukturave për të vazhduar punën në komisione, u diskutua rreth seancës së shkuar parlamentare ku pati shumë kaos.

Pas dyerve të mbyllura në fakt janë thënë të gjitha pakënaqësitë ndaj Elisa Spiropalit dhe mënyrës se si ajo menaxhon seancën parlamentare.

Duke iu referuar kësaj të fundit, sipas "Lapsi.al", zëvendëskryeministrja Belinda Balluku i ka tërhequr veshin Spiropalit duke e kritikuar për keqmenaxhimin e seancës, pasi futi me shpejtësi projektligjin për faljen e gjobave.

Sipas "Lapsi.al", Balluku kritikoi ashpër Spiropalin se po favorizonte opozitën duke iu dhënë hapësirë të pamerituar dhe në shkelje të rregullores sipas zv.kryeministres. Jo vetëm kaq, por Balluku shkoi edhe më tej duke aluduar se kryetarja e parlamentit është nën një presion prej Gazment Bardhit, i cili i dikton edhe sjelljen në seancë plenare. Gati-gati Balluku ngriti insinuata që Spiropali po shantazhohet nga kreu i Grupit Parlamentar të Partisë Demokratike.

Kritikave të Ballukut iu bashkuan dhe socialistë të tjerë si Taulant Balla, Erion Braçe dhe Blendi Klosi.

Por të gjitha kritikat u bënë duke mos qenë e pranishme Spiropali, e cila duket se ka kuptuar se çfarë do të ndodhte në këtë mbledhje.

Por sipas "Lapsi.al" këto kritika kanë ardhur me bekimin e kryeministrit Edi Rama, i cili po ashtu mungonte në këtë seancë parlamentare dhe duket se “Skënderbeu” ka orkestruar sulmin ndaj “Mamicës” së tij./ CNA

 





Lajmet e fundit nga