E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Raporti i Komisionit të Venecias për mandatin e Xhaçkës/ Gjokutaj: Puç kushtetues

10 Dhjetor 2024, 22:00, Politikë CNA

Raporti i Komisionit të Venecias për mandatin e Xhaçkës/

Avokati Genc Gjokutaj

Në lidhje me publikimin e raportit të Komisionit të Venecias për mandatin e deputetes së PS-së Olta Xhaçka, avokati Genc Gjokutaj u shpreh se kjo ishte një puç kushtetues dhe vepër penale nëse Parlamenti voton kundër një vendimi të Gjykatës Kushtetuese.

Ai pohoi se vendimet e Gjykatës Kushtetuese janë detyruese për të gjitha pushtetet dhe autoritetet shtetërore.

I ftuar në një studio televizive, Gjokutaj theksoi se votimi kundër vendimit të gjykatës e bën jofunksionale Gjykatën Kushtetuese.

“Të çosh pikë juridike në Venecia nëse është i detyruar kuvendi apo jo të zbatojë vendimet e Gjykatës Kushtetuese? Po deputeti është ligjbërës dhe është i pari që duhet të zbatojë ligjet dhe vendimet e Gjykatës Kushtetuese. Nëse do të vijnë në kundërshtim me Gjykatën Kushtetuese, jo vetëm përbën puç kushtetues, por përbën vepër penale”.

Avokati theksoi gjithashtu se të gjithë deputetët që votojnë kundër vendimit të Gjykatës Kushtetuese procedohen penalisht.

“Votimi kundër një vendimi të Gjykatës Kushtetuese e bën jofunksionale Gjykatën Kushtetuese. Gjykata Kushtetuese gjëja e parë që shqyrton është legjitimiteti i saj dhe kur merr legjitimitet, nuk diskutohet zbatueshmëria e vendimit. Deputetët që votojnë kundra mbajnë përgjegjësi penale. Mbani mend për çështjen e mandatit të Berishës, ku vajtën deputetët e Gjykatës Kushtetuese. se kemi një problem ky pushtet luan me këtë Gjykatë Kushtetuese, se e kemi sui generis. Një gabim i kushtetuese dje dhe një kapriço sot, ndodh degradimi”.

Për Gjokutajn është bërë një lojë politike për të fituar kohë për dërgimin në Komisionin e Venecias mandatin e Olta Xhaçkës. Sipas tij PS nuk e priti që Venecia do ta shqyrtonte kaq shpejt.

“Rasti i cili është çuar në Venecia dhe sot u dha rekomandim konsultë siç ka dhe funksionin Komisioni i Venecias nuk përbën pikë juridike, nuk përbën çështje. Ky është produkt i shpifur i kësaj mazhorance që nuk e ka në agjendë gjykatën, siç i ka kapur ashtu i trajton. Kemi 13 vjet që prekim me dorë këtë realitet. Nuk është çështje ti drejtosh Venecias ti që; ta zbatoj unë apo ajo vendimin e Gjykatës Kushtetuese? Kush më shumë se Gjykata Kushtetuese mund ta shterojë sjelljen e kuvendit në raport me këtë çështje, çështjen e mandatit të një deputeti.

Kush e interpreton kushtetutën në mënyrë shteruese? Gjykata Kushtetuese. Nuk ka hallkë tjetër në sistem që përveç se të tjerët t’i nënshtrohen kësaj hierarkie. Ata e thonë në mënyrë të qartë; që Kuvendi është i detyruar të zbatojë vendimin e Gjykatës Kushtetuese. Këta nuk e çuan në Venecia se nuk e dinin për qëndrimin e Kuvendit, por është lojë politike, unë besoj që nuk kanë pritur që Venecia do ta gjykojë kaq shpejt dhe e kanë lënë për limitet e fushatës me gjasë Xhaçka nuk do të kandidonte dhe do kalonte kjo pjesë.

Kjo është lojë për të fituar kohë. Rama prej 13 vjetësh këtë taktikë përdor, ndonëse e ka të qartë se çfarë instrumenti duhet përdorur. Politka shqiptare i ka zët konsultat e rekomandimet vetëm kur institucionet e huaja e bëjnë fakt”, tha avokati.