E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Veliaj, politikan fals"/ Manjani: Një kryebashkiak që nuk ka fituar asnjë garë, pushtetin ia fali Rama

10 Dhjetor 2024, 21:46, Politikë CNA

"Veliaj, politikan fals"/ Manjani: Një kryebashkiak që nuk

Ish-ministri i Drejtësisë, Ylli Manjani

Për ish-ministrin e Drejtësisë, Ylli Manjani, Erion Veliaj është një politikan fals dhe që nuk është votuar asnjëherë.

I ftuar në një studio televizive, Manjani u shpreh se kryebashkiaku Veliaj nuka ka fituar kurrë asnjë garë, por pushtetin ja ka dhuruar kryeministri Edi Rama.

Ndër të tjera, Manjani u shpreh se Veliaj ka mësuar nja dy fjalë dhe nuk të inspiron si lider dhe as nuk të jep garanci që ta ndjekësh nga pas.

“Erion Veliaj është një profil politik fals. Është një politikan që nuk është votuar. Për atë është hedhë vota, por në fakt është një politikan që i është dhuruar pushtet.

Edi Rama dhe PS i kanë dhuruar pushtet, Erion Veliajt. Kjo është e vërteta.

Ai ka qenë një herë të vetme kryetar i G99 dhe ka marrë 0.99% të votave në Shqipëri.

Kaq vlen Erion Veliaj kur ka konkurruar vetëm, pas PS dhe Ramën. Gjithë këto vite ka administruar një pushtet të dhuruar.

Për çfarë mbahet mend Erion Veliaj?

Çfarë teze të veten politike ka ai. Mund ta thotë dikush? Zero. Ka vetëm fjalë, një fjalor me shumë pak fjalë, që e ka mësuar, atje ku e kanë mësuar dhe nuk të inspiron si lider. Nuk të jep një garanci që ta ndjekësh pas.”

Manjani theksoi se Veliaj në kaq vite në pushtet nuk ka bërë asgjë. Sipas tij ai ka drejtua bashkinë më të pasur në Shqipëri dhe duhet të kishte ndërtuar një punë të madhe, gjë që nuk e ka bërë.

Megjithatë Manjani tha se Veliaj jo vetëm që nuk ka bërë asgjë, por ai ka nxjerr njerëz nga shtëpia.

“Si kryebashkiak i Tiranës, Erion Veliaj ka drejtuar keq dhe shumë keq. Ka drejtuar bashkinë më të pasur në Shqipëri, sepse brenda 1 mandati sigurohen 1.2 miliardë Euro dhe kaq para, brenda një mandati, bashkia e Tiranës duhej të kishte ndërtuar një punë të madhe, fjala vjen, sistemin e kanalizime që të mos vijë era në vend.

Tirana është i vetmi qytet në Europë që bashkëjeton me fekalet e veta. Dhe ky është një dështim spektakolar i bashkisë së Tiranës.

Me ligjin e tërmetit kanë bërë kërdinë, kanë nxjerrë njerëz nga shtëpitë e tyre. Kjo mban firmën e Erion Veliajt’, tha Ylli Manjani./CNA