web counter
LEXO PA REKLAMA!

SHKARKO APP

App Store
Google Play

BE pezulloi fondet për bujqësinë/ Rama “mburr” Frida Krifcën

21 Shtator 2023, 21:52, Politikë CNA
BE pezulloi fondet për bujqësinë/ Rama “mburr” Frida
Kryeministri Edi Rama dhe ish-ministrja e Bujqësisë, Frida Krifca

Kryeministri Edi Rama foli mbrëmjen e sotme për pezullimin e fondeve të BE-së për Bujqësinë.

Rama tha se nuk ka të dhëna për këtë çështje dhe se është në pritje të një raporti nga Bashkimi Evropian.

Ai pranoi se janë konstatuar probleme, ndërsa foli me superlativa për ish-ministren e Bujqësisë, Frida Krifcën.

“Ajo është një çështje që ne do ta shikojmë konkretisht. Nuk kemi asnjë të dhënë konkrete se do duhet të presim raportin që do të vijë nga BE, por është një shenjë e një vullneti të mirë për të qenë të hapur komplet në këtë marrëdhënie me BE dhe për t’u krijuar atyre dhe vetes komoditetin e një komunikimi lidhur me problematikat dhe me adresimin e tyre pa pasur ngërçin e një ministri, në këtë rast të ministres që në këndvështrimin tim, ka bërë një punë të jashtëzakonshme si ministre e Bujqësisë, që lidh periudhën e qëndrimit të saj në detyrë me periudhën kur janë konstatuar këto probleme. Është normale të jetë kështu, ndryshe do kishte një ngërç në këtë marrëdhënie dhe s’kemi pse ta kemi. Ne duam të përmirësohemi. Nuk diskutohet që janë konstatuar probleme, ato probleme duhet të adresohen dhe sistemi i funksionimit duhet të përmirësohet. Duam të bëjmë maksimumin nga ky proces”, nënvizoi kreu i qeverisë./ CNA





Lajmet e fundit nga