E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Taulant Balla, thirrje emigrantëve/ “Deklaroni adresën e vendit ku jetoni, aplikimi në ‘e-albania’”

21 Shtator 2023, 17:09, Politikë CNA

Taulant Balla, thirrje emigrantëve/ “Deklaroni adresën e vendit

Ministri i Brendshëm, Taulant Balla

Ministri i Brendshëm, Taulant Balla, bëri një thirrje për shtetasit shqiptarë që jetojnë jashtë territoreve të vendit tonë.

Balla tha nga foltorja e Parlamentit se shqiptarët që janë larguar nga Shqipëria për shkaqe të ndryshme duhet të deklarojnë adresën e tyre aktuale.

Ai tregoi se deklarimi mund të bëhet në portalin qeveritar “e-albania”, ku është një seksion i posaçëm për adresat e emigrantëve.

Ministri u shpreh se shqiptarëve u duhet të plotësojnë të dhënat personale të identifikimit, të dhënat e sakta dhe gjithashtu i duhet një dokument i certifikuar nga autoritetet e vendit ku jetojnë.

“Një nga deputetët foli në lidhje me deklarimin e adresës së shtetasve shqiptarë që jetojnë jashtë territorit të Republikës së Shqipërisë. Unë mendoj se për të gjithë ne anëtarët e Kuvendit të Shqipërisë duhet të jetë e qartë që sa herë të na jepet mundësia që sa herë të ndodhemi jashtë Shqipërisë edhe për arsye private, të bëjmë një apel të përbashkët dhe t’u kërkojmë shqiptarëve të deklarojnë adresën e tyre. Dhe si mund të bëhet kjo?

Portali ekziston. Nëse do të hyni në portalin ‘e-albania’ aty keni një session të posaçëm, i cili ju tregon shumë qartë se si plotësohen të dhënat. Është një seksion që quhet ‘shërbimi elektronik - deklarimi i adresës së shtetasit shqiptar që jeton jashtë territorit të Republikës së Shqipërisë”. Aty deklarohen të gjitha të dhënat, natyrshëm duke filluar nga të dhënat personale të dokumentit të identifikimit, për të shkuar pastaj te adresa dhe mbetet një dokument i vetëm për të konfirmuar adresën dhe është një dokument i certifikuar nga vendi ku ndodhet. Nëse qytetari ndodhet në Greqi duhet një dokument i certifikuar nga autoritetet vendore që konfirmon se ky person ka këtë adresë. Duhet që shteti amë të dijë adresën ku ndodhet. Ky opsion ka qenë, janë mbi 12 mijë qytetarë shqiptarë që kanë deklaruar adresën ku jetojnë”, theksoi Taulant Balla./ CNA