LEXO PA REKLAMA!

SHKARKO APP

App Store
Google Play

E fundit!

x

SPAK i “hoqi” kokat e ministrave?/ Përgjigjet Rama: E mirëpres

21 Shtator 2023, 21:17, Politikë CNA

SPAK i “hoqi” kokat e ministrave?/ Përgjigjet Rama: E

Me nisjen e shtatorit, kryeministri Edi Rama bëri disa ndryshime në qeveri, të cilat erdhën pas veprimeve të SPAK-ut, i cili ka marrë në hetim disa ministra apo ish-ministra, apo zyrtarë të qeverisë së tij.

Rama tha në një intervistë televizive se partia duhet të vetëspastrohet, ndaj nuk e cilëson veten si një element stresues në PS.

“Nëse partia nuk vetëstresohet, nuk jam unë që e bëj, është mënyra si ne e jetojmë PS që është kështu. Se nëse nuk e fusim veten në stres nëse nuk e kemi partinë në stres, në alert për bërë më mirë e më mirë, vjen momenti që të stresojnë të tjerët, por kur vjen ai moment, aty ke marrë fund pastaj. Është tepër vonë. Ndaj unë mendoj se të gjitha këto janë pjesë e një mënyre të jetuari në PS, ne nuk kemi opozitë, kundërshtarë që mund të na sfidojnë, i vetmi kundërshtar i yni, është vetvetja dhe në rast se nuk e vëmë në dispozicion të vetë ndryshimit, por e lemë vetveten në rehatinë e vetëpëlqimit dhe të mjaftueshmërisë”, u shpreh ai.

Kreu i qeverisë deklaroi më tej se ndryshimet në qeveri nuk erdhën si rezultat i operacioneve të SPAK.

Ai theksoi se mirëpret çdo veprim të organeve të drejtësisë.

“SPAK nuk është element stresues, është një element i mirëseardhur në jetën politike, dhe është një element i mirëseardhur edhe në mënyrën tonë të të jetuarit të përditshëm të qeverisjes sepse është një sy që në mënyrë të pavarur dhe i pandikuar ndjek veprimtarinë tonë qeverisëse në të mirën e publikut, kështu që është një arsye më shumë për të bërë më mire”, nënvizoi Rama./ CNA

Lajmet e fundit nga