web counter
LEXO PA REKLAMA!

SHKARKO APP

App Store
Google Play

E fundit!

x

Pagat e gjyqtarëve të Kushtetueses “përplasin” deputetët/ Gogu-Tabakut: Thoni të vërtetat

21 Shtator 2023, 18:07, Politikë CNA

Pagat e gjyqtarëve të Kushtetueses “përplasin”

Projektligji për rritjen e pagave të gjyqtarëve të Gjykatës Kushtetuese ka sjellë debate pasditen e kësaj të enjteje në Kuvend.

Deputetja Jorida Tabaku debatoi me socialistin Toni Gogu, të cilit i kërkoi që ky projektligj të kalojë për debat në Komisionin e Ligjeve.

Ky i fundit iu kundërpërgjigj Tabakut, duke i thënë se po shtrembëron deklaratat e tij dhe se nuk mund të bëhet pazar me Gjykatën Kushtetuese.

Pjesë nga debati:

Tabaku: Ky ligj duhet të shkojë në Komisionin e Ligjeve për t'iu nënshtruar diskutimeve ashtu si çdo paketë tjetër. Shtyrja me një javë nuk është ajo që po kërkojmë ne. Ne po kërkojmë që ky ligj të jetë brenda parimeve të sistemit duke ruajtur edhe hierarkinë.

Nuk mund të trajtohet më vete kjo si një "copë", vetëm se sot keni bërë një marrëveshje me anëtarët e Gjykatës Kushtetuese.

Gogu: Unë nuk jam këtu për të bërë avokatinë e Gjykatës Kushtetuese. Unë jam këtu si një ligjvënës i Republikës së Shqipërisë dhe po flas për një akt, e përshëndes propozimin tuaj, jam plotësisht dakord, por ka disa të vërteta që duhen thënë dhe nuk ka nevojë t’i shtrembëroni ato që po them.

Po them që Gjykata Kushtetuese i është drejtuar Kuvendit me një sërë propozimesh. Gjykata Kushtetuese nuk mund të futet siç propozoni juve me diskutimin si gjykatat e zakonshme. Kemi prishur hierarkinë sepse gjykatësit e Kushtetueses kanë qenë gjithmonë më të mirëpaguarit.

Ajo që po them unë është të rregullojmë padrejtësinë në zemër të sistemit të drejtësisë. Qoftë Gjykata Kushtetuese, qoftë Gjykata e Lartë nuk mund të mbahet peng duke bërë ju pazar me ta./ CNA





Lajmet e fundit nga