E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Njeriu i listave të mbyllura, në kontradiktë me veten/ Propozimet e Bashës për Reformën Zgjedhore

21 Shtator 2023, 18:37, Politikë CNA

Njeriu i listave të mbyllura, në kontradiktë me veten/ Propozimet

Lulzim Basha njihet si njeriu që mbylli listat dhe i vuri “fshesën” kujtdo që ishte kundër tij në Partinë Demokratike.

Këtë gjë e bëri në 2017-ën dhe vazhdon ta bëjë edhe sot, pasi ka përjashtuar një e nga një të gjithë ata që mendojnë ndryshe.

Por ky njeri i listave të mbyllura, që zhvillon zgjedhje vetëm me njerëzit e tij dhe emëron pa votime, ka rënë në kontradiktë me veten.

Basha ka prezantuar këtë të mërkurë propozimet e tij për Reformën Zgjedhore, ku një ndër pikat ishte hapja e listave.

“Në emër të këtij vullneti të përbashkët politik ne shtrijmë sot dorën ndaj çdo faktori politik dhe shoqëror që të lënë mënjanë axhendat e ngushta, interesat personale dhe të bashkohen në një reformë zgjedhore që iu jep qytetarëve shqiptarë një demokraci të standardit europian.

Duke nisur me listat e hapura. Lidhjen e drejtpërdrejt të votuesit me të zgjedhurin, pa sekser në mes. Lista të hapura për ne do të thotë largimi i konceptit të herësit nga kodi zgjedhor. Qytetarët vendosin vetë se cilin nga kandidatët dëshirojnë të dërgojnë në parlament.
Listat e hapura do të garantojnë kështu që shqiptarët të kenë një parlament të përbërë nga njerëz që janë produkt i drejtpërdrejt i votës së tyre, jo i renditjeve partiake, jo i renditjes personale, qofshin të kryetarit të partisë, apo faktorëve të tjerë”, tha ai ndër të tjera.

Propozimet e Bashës:

1. Lista të hapura
Votuesit të kenë mundësi të zgjedhin vetë deputetin, jo kryetari

2. Vetting për politikanët
Pastrim i politikës nga të korruptuarit dhe personat me lidhje kriminale

3. Barazia e votës
Numri i votuesve për mandat deputeti të jetë i njëjtë në të gjithë vendin

4. Vota e diasporës
Shqiptarët që jetojnë jashtë vendit, të kenë mundësi të votojnë në zgjedhje nga aty ku jetojnë

5. President nga populli
Presidenti të zgjidhet drejtpërdrejt nga populli

6. Fund imunitetit nga ndjekja penale
Asnjë imunitet për parlamentarët dhe qeveritarët që hetohen nga SPAK./ CNA