web counter
LEXO PA REKLAMA!

SHKARKO APP

App Store
Google Play

Bardhi “i mbyll derën” Bashës/ Shkëput edhe marrëdhëniet miqësore: Sheh vetëm interesin e vet

21 Shtator 2023, 22:11, Politikë CNA
Bardhi “i mbyll derën” Bashës/ Shkëput edhe
Gazment Bardhi dhe Lulzim Basha

Deputeti Gazment Bardhi ka shkëputur totalisht marrëdhëniet me Lulzim Bashën, me të cilin më parë ka pasur raport miqësie përveçse atyre politike.

Bardhi tha në emisionin e Blndi Fevziut se secili tashmë po ecën në rrugën e tij, pa u përzierë me njëri-tjetrin.

Ai theksoi se Basha shikon vetëm interesin personal, ndërsa për debatin në Parlament u shpreh se nuk ndihet krenar.

“E kam thënë publikisht, nuk ndihem krenar për atë debat që kam bërë me kolegun Basha sepse nuk jam atje për të debatuar.

Padiskutim kemi pasur një raport shumë të afërt personal dhe njerëzor, mesa duket zoti Basha nuk mirëkupton dot faktin që për Gazment Bardhin interesi i opozitës dhe PD-së është mbi çdo interes personal. Unë nuk jam në Partinë Demokratike për asnjë emër të përveçëm…

Në këtë moment, ajo që po bën zoti Basha absolutisht është jo në dobi të vendit, jo në dobi të PD-së.

Veprimet e tij janë tërësisht për një interes personal, nuk ka asnjë diskutim! Ai ka nevojë të reflektojë, nuk i takon zotit Basha të mbajë flamurin e përçarjes së opozitës. Ia kam thënë privatisht para qëndrimit tim publik, jam përpjekur t’ja shpjegoj që rruga që po ndërrmerr nuk e ndihmon PD-në dhe se kemi nevojë për zgjidhje. Ai në rrugën e vet, unë në rrugën time. Nuk bie dakord me atë që po bën, por nuk kam asnjë paragjykim për asnjë çështje”, theksoi deputeti demokrat./ CNA





Lajmet e fundit nga