E fundit!

13:34 Aktualitet

Krimi në Maliq, Lamallari dhe Hita nisen drejt Korçës/ Ministri tregon gjendjen e efektivit të plagosur

Ministri i Brendshëm, Besfort Lamallari ka vizituar efekti...

Alibeaj bashkohet me socialistët/ Përplaset me Fatmir Mediun

21 Shtator 2022, 13:09, Politikë CNA

Kryetari i Partisë Republikane, Fatmir Mediu, në Komisionin e Ligjeve ka bërë thirrje që të mos hapen dosjet e ish-të përndjekurve politikë.

Sipas Mediut, vetë shteti funksionon mbi balanacën e pushteteve dhe nuk fillon çdo gjë kur duam për goditje politike.

“Të hapen dosjet, por nuk mund t'u bëjmë moral ish-të përndjekurve politikë. Ka histori të presioneve brenda familjes që ne nuk mund t’i rindezim. Nëse nuk u dhamë mundësinë që për këto krime nuk ka asnjë përgjegjës sot, të paktën të mos u shtojmë mundimet brenda familjeve. Vetë shteti funksionon bazuar mbi balancën e pushteteve. Nuk fillon çdo gjë kur na do qejfi ne për të goditur politikisht. Do të ishte e drejtë që të orientohemi drejt transparencës. Shtresën e të përndjekurve politikë duhet ta përjashtojmë për të mos u shtuar më shumë se ç'ka kaluar në këto 30 vite”, është shprehur Mediu.

Por përveç socialistëve, Mediut i ka dalë kundër edhe deputeti i PD-së, Enkelejd Alibeaj.

Sipas tij, ish-të përndjekurit e kanë fisnikërinë që ta shohin njëri-tjetrin në sy dhe të kuptojnë se ajo që u ka ndodhur është për shkak të regjimit komunist.

“Jam i prirur të shoh dhimbjen që ka ndodhur ndaj të gjithë pjesës së të persekutuarve politikë. Dilema ka qenë kjo: të mos hapim dosjet se mund të ketë pasur raste kur vrazhdësia e ish-sigurimit mund të ketë shkuar brenda familjeve të ish-të përndjekurve politikë. Por kjo ka edhe rastin tjetër që vrazhdësia e ish-sigurimit nuk do të dilte asnjëherë. Kjo lloj dileme na ka shoqëruar ne gjatë gjithë kohës. Ajo që kam bindjen që duhet të ndodhë është: e vërteta na bën të lirë. Edhe ish-të përndjekurit politikë, që kundër dëshirës së tyre, të shtyrë, të shantazhuar, nën presion, mund të jenë thyer nga presioni komunist, shoqëria shqiptare sot, por edhe familjet e tyre, do të duhet të kuptojnë që shkak nuk ka qenë thyerja e tyre, por ka qenë kriminaliteti i shtetit komunist”, ka thënë Alibeaj./CNA.al