LEXO PA REKLAMA!

SHKARKO APP

App Store
Google Play

E fundit!

x

“Mos i hapni dosjet”/ Fatmir Mediu ngre zërin në Komisionin e Ligjeve

21 Shtator 2022, 13:00, Politikë CNA

“Mos i hapni dosjet”/ Fatmir Mediu ngre zërin në

Kryetari i Partisë Republikane, Fatmir Mediu, ka apeluar që të mos hapen dosjet e ish-të përndjekurve politikë.

Me argumentin se do të shtoheshin vuajtjet dhe mundimet e familjeve që kanë vuajtur nga komunizmi, Mediu ka ngritur zërin në Komisionin e Ligjeve duke shkakktuar kështu edhe debat.

“Të hapen dosjet, por nuk mund t'u bëjmë moral ish-të përndjekurve politikë. Ka histori të presioneve brenda familjes që ne nuk mund t’i rindezim. Nëse nuk u dhamë mundësinë që për këto krime nuk ka asnjë përgjegjës sot, të paktën të mos u shtojmë mundimet brenda familjeve. Vetë shteti funksionon bazuar mbi balancën e pushteteve. Nuk fillon çdo gjë kur na do qejfi ne për të goditur politikisht. Do të ishte e drejtë që të orientohemi drejt transparencës. Shtresën e të përndjekurve politikë duhet ta përjashtojmë për të mos i shtuar më shumë se ç'ka kaluar në këto 30 vite”, është shprehur Mediu.

Kryetarja e Komisionit të Ligjeve, Klotilda Bushka, është kundërpërgjigjur duke thënë se nisma është tërësisht në përputhje me të drejtën e publikut për transparencë dhe të drejtë informimi.

“Është për ata persona që mund të ushtrojnë funksione publike. Është një simbolikë e fuqishme për brezat e ardhshëm. Mund të keni të drejtën tuaj ta paragjykoni”, është shprehur Bushka.

Por, Mediu sërish ka përsëritur kërkesën për të hequr dorë nga hapja e dosjeve për të përndjekurit politikë./CNA.al

Lajmet e fundit nga