web counter
LEXO PA REKLAMA!

SHKARKO APP

App Store
Google Play

E fundit!

x

Afera me Portin e Durrësit/ Berisha “shkund” grupin e përçarësve

14 Nëntor 2022, 14:50, Politikë CNA

Afera me Portin e Durrësit/ Berisha “shkund” grupin e

Afera e Portit të Durrësit, ka zgjuar Lulzim Bashën dhe grupin e përçarësve.

Pas akuzave të kreut të PD-së, se Lulzim Basha është aksioner në këtë aferë korruptive, ka reaguar edhe Enkelejd Alibeaj, deputet i PD-së.

Me anë të një konference për media, Alibeaj tha se kanë kërkuar transparencë mbi marrëveshjen e miratuar nga Parlamenti për Portin e Durrësit.

Sipas tij në këtë marrëveshje ka shkelje ligjore dhe Kushtetuese.

“Në seancën plenare të ditës së enjte, ne kërkuam me forcë transparencë të plotë për marrëveshjen e Portit të Durrësit. Në përgjigje të kësaj kërkese, një ditë më pas, Kuvendi na vuri në dispozicion dokumentacionin e kësaj marrëveshjeje.

Nga studimi që deputetët e Grupit Parlamentar, së bashku me ekspertët tanë, u kanë bërë materialeve të vëna në dispozicion, kanë rezultuar shkeljet kushtetuese dhe ligjore, si vijon:

1. Shkelja e neneve 71 dhe 74 të Marrëveshjes së Stabilizim-Asociimit: MSA-ja, e firmosur në vitin 2006 dhe hyrë në fuqi në vitin 2009, sanksionon se çdo ndihmë shtetërore që shteti shqiptar i ofron sipërmarrjeve të caktuara, e cila shtrembëron apo dëmton konkurrencën është në kundërshtim me këtë Marrëveshje. Përcaktimi me ligj të posaçëm i të drejtave dhe privilegjeve që një sipërmarrje private përfiton për realizimin e një projekti publik, përbën një shkelje flagrante të MSA-së.

Lidhur me praktikën e ligjeve speciale, Komisioni Europian është shprehur në dy raste, ligji për Teatrin Kombëtar dhe Aeroportin Ndërkombëtar të Vlorës, duke konstatuar se përcaktimi me ligj i operatorëve që përfitojnë kontrata publike është në shkelje të detyrimeve që Shqipëria ka në kuadër të MSA-së.

Në rastin konkret, pa asnjë lloj gare, konkurrence apo transparence, qeveria shqiptare ka përcaktuar sipërmarrjen private që gëzon të drejtën për të zhvilluar projektin e portit të Durrësit.

2. Shkelja e nenit 11 dhe 18 të Kushtetutës: Kushtetuta garanton lirinë e veprimtarisë ekonomike, ku përfshihet edhe konkurrenca, dhe mbrojtjen në mënyrë të barabartë të pronës publike dhe private me ligj. Në rastin konkret, rezulton se jo vetëm është cenuar liria e veprimtarisë ekonomike dhe konkurrenca, por edhe mbrojtja që duhet të gëzojë prona publike. Kushtetuta përcakton se kufizimi i kësaj lirie mund të bëhet vetëm me ligj dhe për interesa publikë. Pra, kufizimi i kësaj mbrojtjeje që ofron Kushtetuta mund të ishte i lejueshme vetëm për sa kohë është përcaktuar me ligj dhe bëhet për interes publik. Siç do të shohim në vijim, është e qartë se në rastin konkret nuk mbrohet interesi publik, përkundrazi cenohet rëndë. Ndërkohë, përjashtimi nga taksa e ndikimit në infrastrukturë dhe kontributi në strehimin social, është një trajtim i diferencuar që diskriminon padrejtësisht të gjithë ndërtuesit e qytetit të Durrësit, të cilët për zhvillimin e një projekti ndërtimi janë të detyruar t’i paguajnë këto detyrime”, është shprehur Alibeaj./CNA.al





Lajmet e fundit nga