web counter
LEXO PA REKLAMA!

SHKARKO APP

App Store
Google Play

35-vjetori i RD-së/ Berisha: E kremtojmë këtë datë në kushtet kur fjala e lirë është më e dhunuar se kurrë

5 Janar 2026, 19:20, Politikë CNA

35-vjetori i RD-së/ Berisha: E kremtojmë këtë datë

Kryetari i Partisë Demokratike, Sali Berisha në “Foltoren” e sotme përpara Kryeministrisë, ka folur për 35-vjetorin e botimit të Rilindjes Demokratike.

Berisha tha se sot kremtohet një ndër datat më të shënuara.

Kryedemokrati deklaroi se dita e sotme është një festë e fjalës së lirë. Kreu i PD u shpreh se 35-vjetori i RD-së kremtohet në një ditë kur fjala e lirë është më e dhunuar se kurrë në 35 vite.

Sot, tha Berisha, mediat e kontrolluara nga qeveria janë shndërruar në zëdhënëse të karteleve të drogës.

 

“Sot ne krmetojmë një datë ndër më të shënuarat, 35-vjetorin e botimit të gazetës së parë opozitare, RD. Kjo është festë e fjalës së lirë, festa e jetës. Dua të shpreh nderimin më të thellë për të gjithë ata që 35 vite më parë bënë të mundur publikimin e gazetës RD, si zëdhënëse e fjalës së lirë.

E kremtojmë këtë datë në kushtet kur fjala e lirë është më e dhunuar se kurrë në 35 vite. Mediat e kontrolluara nga qeveria janë shndërruar në instrumente të mashtirimit të qytetarëve, në zëdhënëse të karteleve të drogës”, tha Berisha./CNA





Lajmet e fundit nga