web counter
LEXO PA REKLAMA!

SHKARKO APP

App Store
Google Play

Vetëdeklarim ose "denoncim"/ Si do të procedohet për zhdukjen e nepotizmit brenda PS?

5 Janar 2026, 18:27, Politikë CNA

Vetëdeklarim ose "denoncim"/ Si do të procedohet për

Në një nga mbledhjet e Grupit Parlamentar të Partisë Socialiste të zhvilluara në muajin dhjetor u mor vendimi për ngritjen e një sekretariati etike brenda partisë. Ky sekretariat ka si synim goditjen e çdo lloj forme emërimi nepotik në administratën publike.

Lindita Nikolla do të jetë kryetarja e Sekretariatit të Etikës në PS, ndërsa anëtarë do të jenë Marjana Koçeku, Kiduina Zaka, Erjon Malaj dhe Ermal Elezi.

Sipas raportimeve, me nisjen e vitit të ri ky sekretariat ka nisur gjithashtu punën më përpilimin e një formulari vetëdeklarimi. Bëhet me dije se ky formular do të plotësohet nga deputetët, ministrat, kryebashkiakët e PS-së dhe drejtuesit e institucioneve në varësi të pushtetit qendror dhe atij lokal.

Pas plotësimit të këtij formulari, pranë sekretariatit, socialistët do të duhet të tregojnë se ku janë të punësuar fëmijët e tyre, bashkëshortët, kunetërit dhe vjehrria. Ndërkohë nëse “vetëdeklarimi” nuk shkon si duhet, pritet të aplikohet një metodë tjetër që është denoncimi nga qytetarët.

Projekti për krijimin e këtij komisioni etike u prezantua para Grupit Parlamentar të PS-së, nga kryetari i grupit, Taulant Balla në dhjetor.

Balla u shpreh se ishte e rëndësishme të theksohej ndarja mes funksionit politik dhe lidhjeve familjare. Ai tha më tej se anëtarët e familjes së deputetëve të Partisë Socialiste nuk duhet të kenë angazhime në administratën publike, ndërsa shtoi se kushdo që ndodhet në këtë situatë duhet të shkëputet nga ky pozicion. /CNA





Lajmet e fundit nga