Mero Bazes i del mashtrimi i radhës/ Ja si i shtrembëroi deklaratën ish-prokurorit

8 Shkurt 2026, 15:54, Plaku Mere CNA

Mero Baze, gazetari i familjes Veliaj, njeriu i cili dje ishte me çorape të grisura dhe gjatë pushtetit të Rilindjes u shndërrua në miliarder, e ka vendosur median e tij në funksion të kryetarit të arrestuar të Bashkisë së Tiranës, Erion Veliaj, mbi të cilin rëndojnë 13 akuza për 5 vepra të rënda penale.

Një mashtrim i radhës nga plaku Mere
6 Shkurt, 13:48

Media e ushtarit, shërbëtorit dhe gazetarit që qelb erë Mero Baze, shtrembëron titujt në funksion të Veliajt, duke mashtruar publikisht, duke tjetërsuar deklaratat e personazheve që flasin për SPAK-un, prokurorët dhe gjyqtarët, duke tentuar të përçojë mesazhe të gabuara, sigurisht qëllimi i vetëm kuptohet që është sulmi ndaj drejtësisë.

Gënjen në të njëjtën mënyrë siç del në raportin e dorëzuar në Departamentin e Drejtësisë, ku është zbuluar se si Veliaj dhe vëllai i tij kanë lobuar 220 mijë dollarë, për të sulmuar drejtësinë duke thënë të pavërteta, shpifje ndaj prokurorëve dhe gjyqtarëve, skemë të cilën CNA e ka zbërthyer.

Shërbëtorët mediatikë të Veliajt që gënjyen publikisht për prokurorët e SPAK-ut
7 Shkurt, 12:28

Së fundi, në median e Mero Bazes shfaqet një titull, i cili që në krye tregon se është një sulm ndaj SPAK, tërësish i shtrembëruar, jo i vërtetë dhe këtë e ka përgënjeshtruar vetë personazhi i cili gjatë një interviste për gazetaren Ilva Tare ka folur për SPAK-un.

Sipas medias së Meros, ish-prokurori shqiptaro-amerikan në Departamentin e Drejtësisë dhe themelues i Junçaj Law, Gjon Junçaj ka thënë se: “Nëse arrestimet pa dënime vazhdojnë, besimi i publikut te SPAK rrezikohet seriozisht”.

Mero Bazes i del mashtrimi i radhës/ Ja si i shtrembëroi

Lajmi në median e Mero Bazes

Por këtë gënjeshtër të fabrikuar nga media e Mero Bazes, vetë Gjon Junçaj është detyruar ta përgënjeshtrojë, duke thënë se nuk është i saktë dhe se nuk ka shprehur një deklaratë të tillë.

Postimi i Gjon Junçajt

“Në intervistën time me Ilva Taren, nuk thashë që nëse arrestimet pa dënime vazhdojnë, besimi i publikut në SPAK është seriozisht në rrezik. Pika që po ngrija mbi këtë temë ishte e thjeshtë: Suksesi i prokurorisë në fund të fundit matet me dënime, jo me arrestime, dhe procesi i rregullt ligjor duhet të udhëheqë çdo rast.

Duke pasur parasysh këtë, ky është titulli që duhet të shihni, Gjon Juncaj: “Një SPAK i pavarur, një proces i drejtë, dhe dënime do të ndërtojnë besimin e publikut”.

Ka shumë forca që nuk duan që SPAK të ketë sukses në misionin e tij. Çdo administratë e Shteteve të Bashkuara (dhe e BE-së) ka mbështetur formimin, pavarësinë dhe suksesin e SPAK-ut. Ne vazhdojmë ta mbështesim”, ka sqaruar ish-prokurori, Junçaj.

Kështu edhe një herë tjetër i është çjerrë maska Meros së “mjerë” ose siç njihet ndryshe Plakut Mere, ose gazetarit të familjes Veliaj, duke konfirmuar dhe një herë se mashtrimet dhe gënjeshtrat nuk kanë fund dhe qëllimi mbetet i njëjtë: sulmi dhe intimidimi i drejtësisë.

Por sërish ka dalë zbuluar me gënjeshtrën e tij, ashtu siç doli, pasi vetë ish-prokurori Gjon Junçaj e ka përgënjeshtruar titullin e bërë në median e Meros, medias në shërbim të Veliajt nga skutat e Burgut të Durrësit, i cili ashtu siç rezultoi edhe në përgjime, vijon ta dirigjojë dhe përdorë siç do ai, si vegël.

Reagimi i Junçajt për titullin e lajmit

Kjo është një tjetër nga ato gënjeshtrat që shohim nga Mero Baze në median e tij.

Më e fundit iu zbulua vetëm pak ditë më parë, ku publikoi procesverbalet duke shtrembëruar atë që prokurorët Ols Dado dhe Altin Dumani kishin thënë gjatë seancës për shqyrtimin e kërkesës së Veliajt për zëvendësimin e masës së sigurisë.

Mero Baze ra me këmbët e tij në gropën që kishte hapur vetë, pasi në asnjë fjali nuk thuhej se prokurorët Ols Dado dhe Altin Dumani kanë thënë në GJKKO se Erion Veliaj duhet të qëndrojë në burg për shkak se ka marrë avokatë amerikanë.