web counter
LEXO PA REKLAMA!

SHKARKO APP

App Store
Google Play

Si mashtron publikisht Mero Baze me lëçitjet e tij

15 Tetor 2025, 11:19, Plaku Mere CNA

Mero Baze, gazetari që qelb erë, siç thotë Indro Montanelli, një njeri që erdhi në Tiranë me çorape dhe brekë të grisura që tani është bërë milioner me prona dhe pasuri të paluajtshme, ka bërë një publikim të tijin si gjithmonë duke gjetur një gënjeshtër duke e marrë dhe fryrë atë, siç i fryjnë mediat gjërat.

Në fakt, Mero në pleqërinë e tij të vetmuar dhe të hershme duket se ka dhe probleme në mënyrën e artikulimit.

Dikur ka shkruar dhe ndonjë rresht për t'u pëlqyer, tani i katandisur në gazetarin e shtëpisë së Veliajt, në portalin e tij të mjerë çfarë nuk po shkruan.

Ndoshta do të ishte gjynah, më mirë të mos kishte më asnjë dalje të emrit të tij në media dhe të ruante atë pak reputacion të përmjerë që i ka mbetur, por gjithsesi është zgjedhje personale.

Në shkrimin e tij Mero Baze dje na tha se pretendimi i kryeprokurorit që media dhe politika të mos komentojnë punën e tij, është më së paku naivitet dhe më së keqi një mendësi totalitare, një mendësi korporative e Republikës së Prokurorëve, kundër lirive të garantuara nga Republika e Shqipërisë dhe se halli i Altin Dumanit ishte presioni mediatik dhe politik dhe e drejta e disa prokurorëve për të rikandiduar në 2028.

Si mashtron publikisht Mero Baze me lëçitjet e tij

Për pikën e parë për sulmet, akuzat, shpifjet, intrigat, fyerjet e bëra nga Mero Baze dhe mediat e Erion Veliajt ndaj prokurorëve të SPAK-ut gazetari i familjes Veliaj na thotë se është naivitet dhe më së keqi totalitare mendësia e tij që të mos i komentohet puna.

Në fakt, të ishin komente mbi punën e SPAK-ut, do të ishte një gjë shumë e mirë dhe racionale, edhe ne si CNA bëjmë pafund komente, opinione, shkrime në lidhje me dosje të ndryshme, me hetime, me prokurorë, që nuk janë sulme, por janë mbi fakte dhe prova kurse Mero Baze nuk ka bërë koment ndaj SPAK-ut, por e ka sulmuar Ols Dadon personalisht, Altin Dumanin personalisht, i ka fyer.

Erion Veliaj ka shpifur. Ka thënë janë kërkuar 2 milionë euro për ta nxjerrë. Mero Baze ka shkruar që prokurori i çështjes ka kërkuar një shtesë lejeje dhe kjo nuk i është dhënë nga Erioni dhe për këtë ndodhet në burg.

Mashtrim publik. Për gati dy muaj nuk e ka nxjerrë këtë dokument, as kërkesën e prokurorit dhe as refuzimin e Erion Veliajt.

Pra, ajo që bën Mero Baze dhe të tijtë si pjesë e ushtarëve mediatikë të Veliajt nuk komentojnë punën e SPAK-ut, as të Altin Dumanit, as të prokurorëve dhe as ndonjë mendësi totalitare, të cilën duhet ta sulmojnë të gjithë bashkë si media, por sulmojnë, akuzojnë dhe shpifin për të mbrojtur një të korruptuar që ndodhet në burg me 13 akuza.

Pse Mero Baze nuk komenton hetimet e prokurorit Dritan Prençi?

Pse nuk komenton Mero Baze hetimet e Edvin Kondilit për Ilir Beqajn apo ato për sterilizimin e me radhë?

Ndaj gjithçka që shkruan sërish është një mashtrim, është një lëçitje. Në fillim thotë koment, megjithëse nuk kemi të bëjmë me koment.

Kemi të bëjmë me akuza, fyerje, shpifje dhe vepra penale dhe jo me një koment të një pune profesionale si media./ CNA





Lajmet e fundit nga