Hipokrizia/ Mero Baze, palaçoja që sulmon prokurorë e gjyqtarë kalon ylberin

6 Tetor 2025, 21:23, Plaku Mere CNA

Hipokrizia/ Mero Baze, palaçoja që sulmon prokurorë e

Mero Baze, njeriu që ka sulmuar më së shumti prokurorë dhe gjyqtarë që kanë dhënë vendime deri te Gjykata e Lartë, sot derdh lot krokodili dhe tallet me vrasjen e gjyqtarit Astrit Kalaja.

Ja çfarë shkruan sot pas ngjarjes së rëndë, pas vrasjes së gjyqtarit në sallën e gjyqit, brenda Gjykatës së Apelit.

“Për të dekurajuar sulmet mbi gjyqtarët duhet, së pari, që aktorët tanë politikë, që janë dhe njerëzit më me zë në vend, të mos bëjnë objekt sulmi publik gjyqtarët duke i personalizuar ata. E di që politika që flet nuk vret, por duke demonizuar figurën e gjyqtarit i bëjmë ata të prekshëm për njerëzit e thjeshtë dhe hyjmë në garë me llumin e shoqërisë për të dënuar e eliminuar ata. Kritikat ndaj drejtësisë janë normale. Shoqëria nuk mund të mbyllë gojën kur drejtësia gabon, por personalizmi i sulmeve dhe bullizmi publik i gjyqtarëve, siç ndodh shpesh para SPAK me Sali Berishën, që çdo herë sulmon një gjyqtare dhe prokurorë të tij, duke i bërë ata target dhe për kriminelët.

Duhet vendosur një raport realisht i pavarur midis përgjegjësisë së hetimit dhe asaj të gjykimit, që gjyqtarët të mos njehësohen me prokurorët. Prokuroria nga natyra e punës ka nevojë për autonomi profesionale për të ngritur me shumë dyshime, por gjykata është ajo që verifikon vetëm të vërtetën e provueshme dhe gjykon sipas provave.

E vetmja mënyrë që drejtësia të jetë e sigurt është që ta ruajmë atë nga humbja e autoritetit: nga bullizmi publik, nga klientelizmi, korrupsioni dhe mungesa e institucioneve që kontrollojnë standardin e saj”, shkruan ndër të tjera Mero Baze, në një shkrim që më tepër sesa një qëndrim duke një tallje që vjen nga një njeri që ka vjellë vrer mbi prokurorë dhe gjyqtarë.

A është ky Mero Baze i njohur ndryshe në rubrikat tona si Plaku Mere apo siç e thërrasin lart e poshtë Merhum Këllira.

Kur, Mero Baze kërkon moral është njësoj sikur të kërkojë moral prostituta e përjashtuar nga shtëpia publike për imoralitet.

Ky është morali i Mero Bazes në këtë rast. Njeriu që sulmon dhe akuzon drejtësinë për pagatorin e tij Erion Veliajn.

Ndërsa për kryetarët e tjerë të bashkive nuk e ka bërë.

Sot i dhembi gjyqtari i vrarë.

Gjyqtari është i vrarë dhe për shkak të sulmeve të Mero Bazes dhe zhurmës që ka bërë, akuzave të padrejta, shpifjeve dhe mashtrimeve që ka hedhur.

Nëse ka një njeri që ka mashtruar ndaj drejtësisë me prova është Mero Baze që ne e kemi sjellë për 50 ditë dhe do të vazhdojmë ta sjellim./ CNA