web counter
LEXO PA REKLAMA!

SHKARKO APP

App Store
Google Play

Mero Baze kërcënon Ramën: Veliaj ka lënë litarin jashtë

4 Tetor 2025, 10:48, Plaku Mere CNA

Këshilltari mediatik dhe njeriu kryesor në krah të Veliajt që po bën betejën e tij kundër prokurorëve, gjyqtarëve, drejtësisë, të cilët kanë arrestuar dhe kanë ngritur 13 akuza për kryebashkiakun e shkarkuar të Tiranës, Erion Veliajn, ka dalë me një kërcënim të hapur.

Në një nga lajthitjet e tij të përditshme ai ka shkruar se Erion Veliaj e ka zgjidhur rrugën e tij tashmë me ankimimin që ka bërë në Gjykatën Kushtetuese për të shkuar më tej në Strasburg për të riparë dhe masën e sigurisë për të përfunduar më pas si hakmarrës pasi e ka lënë litarin jashtë.

Kjo është gjuha e banditëve, gjuha e kriminelëve, nuk ka ndonjë ndryshim të madh, të njëjtin kërcënim që bën Mero Baze e bëjnë dhe banditët në sallën e gjyqit ndaj prokurorëve dhe gjyqtarëve.

Në fakt kush janë këta që e "varrosën" Erion Veliajn?

Për Mero Bazen, ai që e "varrosi" quhet Edi Rama. Kjo është e qartë tashmë ditë pas dite, shkrim pas shkrimi. Ai është i hapur publikisht, por vetëm nuk përmend emrin e kryeministrit.

Kudo thekson se është Edi Rama ai që e ka burgosur, kjo për faktin se Gjykatën e Lartë e kontrollon PS e kryeministri dhe nuk ka ndërhyrë që ta nxjerrë Erion Veliajn, njëra anë.

Ana tjetër tregon se është po kryeministri që në bashkëpunim me Altin Dumanin dhe Ols Dadon e kanë futur brenda.

Në fakt, Mero Baze, gëlbazat në fytyrën e tij i hedh pa ndalim, por nuk ka pasur kurrë kurajën të përmendë emrin e Altin Dumanit.

Gjithmonë është marrë me mashtrimet publike ndaj Ols Dados duke thënë se ky i fundit kishte kërkuar dhe shtesë mbi lejen, por për gati për 50 ditë nuk e ka nxjerrë as dokumentin që ka çuar Ols Dado dhe as dokumentin e refuzimit të Erion Veliajt.

Sërish rrugët na çojnë te Rama edhe këtu nga kontrolli i SPAK-ut, sipas Meros.

Drejtësinë e kontrollonte Rama, Gjykatën e Lartë, SPAK-un e kontrollonte Rama, kryeministër është Rama, pra litari jashtë i lënë nga Erion Veliaj dhe nga Mero Baze është për Edi Ramën.

Pra, Erion Veliaj e ka lënë litarin jashtë që të hakmerret ndaj Ramës që e "varrosi".

A thua se Erion Veliaj ishte ndonjë politikan kalibri që i kishte votat lumë dhe ndonjë personalitet i PS-së, kur në fakt ishte një hiç.

Ai ka kandiduar me G99 dhe ka marrë vota aq sa merr Erion Braçe kur shkon për të pirë raki në Lushnjë.

Ndoshta po ia bëjmë shumë qejfin Braçes, por është më socialist se zdromsi.

Litari jashtë i Mero Bazes dhe gjuha kërcënuese ndaj kryeministrit, prokurorëve, gjyqtarëve apo kujtdo tjetër, të cilët në fakt kanë zbatuar thjesht dhe vetëm ligjin.

Prokurorët dhe gjyqtarët kanë parë faktet dhe provat dhe po të hyjmë në themel ajo që ka varrosur Erion Veliajn është bashkëshortja e tij dhe firma e tij dhe askush tjetër.

Kryeministri nuk mund ta linte bashkinë pa kryetar se Tirana po qelbej.

Kështu që, në finale të gjithë kanë bërë rolin e tyre kurse Erioni dhe Mero vazhdojnë të kërcënojnë dhe shantazhojnë sepse njërit i ka ikur karrigia dhe përfitimet qindra mijëra euorshe jo vetëm të bashkëshortes, por dhe ato që kalonin në media nëpërmjet vëllait të tij, apo familjarëve dhe rrjetit të tij propagandistik që tashmë e ka braktisur, kurse tjetrit i kanë ikur paratë që furnizohej dhe benefitet për të blerë apartamente, për të ndërtuar hotele dhe për të zhvilluar biznese.

Tani në pleqërinë e tij të vetmuar Mero Baze me gëlbazat që hedh pa ndalim në fytyrën e tij, të cilat thjesht dhe vetëm tregojnë se kush është ish-ushtari i dikurshëm i Saliut, më pas poshtë-tavolina e Edi Ramës dhe tani fansi i anusit të Erion Veliajt dhe armiku epik i Ulsi Manjës./ CNA

 





Lajmet e fundit nga