web counter
LEXO PA REKLAMA!

SHKARKO APP

App Store
Google Play

E fundit!

x

Mero Baze zbulon armikun e klasës në PS

12 Shtator 2025, 11:41, Plaku Mere CNA
Mero Baze zbulon armikun e klasës në PS
Mero Baze

Në një nga shkrimet e tij të radhës, nga ato të gjatat, të mërzitshmet, Mero Baze ka gjetur armikun e klasës. Sipas tij, ai e ka emrin Ulziu, pra Ulsi Manja.

Në PS ka lindur një armik klase që i bën të gjitha. Ka arrestuar Erion Veliajn, e ka keqtrajtuar, ka mërzitur Mero Bazen, na ka blerë ne si media dhe ky Ulziu është armiku më i madh i PS-së. Dhe, që ky është armik, thotë Mero, duhet që PS të shkojë në zgjedhjet lokale në paqe në Tiranë dhe për këtë paqe duhet t’i kërkojë Erion Veliajt të japë konsensusin e tij.

Në fakt, Mero sa qesharak duket dhe i marrosur sepse nuk ka asnjë arsye që politikisht Edi Rama t’i kërkojë ndonjë mendim ose aprovim Erion Veliajt. Është Edi Rama që e ka kandiduar, është Edi Rama që e ka futur në PS, është Edi Rama që e ka përdorur me 99-çat, është Edi Rama që e ka përdorur me Mjaft-in.

Pra, për të mos përdorur asnjë term fyes apo shqetësues, Erion Veliaj për Edi Ramën është thjesht dhe vetëm një zagar në oborrin politik, për gjahun e radhës.

E përdori kundër Fatos Nanos, më pas kundër Sali Berishës, por zagari nuk kafshoi dot apo nuk e nxori dot në shteg lepurin kur ishte rasti i Armand Dukës me FSHF-në, por ngeli aty.

E vuri Edi Rama të ruante bashkinë, të bënte ndonjë punë, ndërkohë që prokurorët e SPAK-ut e kapën duke vjedhur me korrupsion, me pastrim të produkteve të veprës penale, me mashtrime që ne i kemi thënë në mënyrë të vazhdueshme dhe i kemi treguar, ndaj dhe s’ka arsye Edi Rama t’i kërkojë ndonjë aprovim politik apo paqe Erion Veliajt.

Erion Veliaj doli nga dritarja jo se e nxori Edi Rama, megjithëse Mero Baze thotë se e ka arrestuar Edi Rama dhe Mero kërkon ta fusë nga dera sërish në konsensusin politik nga dera e socialistëve.

Kryeministri është i qartë. Ka nxjerrë kandidaturën për Bashkinë e Tiranës. Kryeqyteti ka muaj pa drejtues, por mesa duket Erioni se pranon.

Në rast se do të kishte pak dinjitet do të kishte dhënë dorëheqjen, jo pas asaj së djeshmes, por pas vendimit të Gjykatës së Apelit që e la në burg.

Aty mund t’u kishte treguar Ramës, shqiptarëve dhe kryeqytetasve se kishte njëfarë dinjiteti të fortë dhe moral politik.

Nuk e bëri. Tani Mero kërkon që të japë konsensus Erion Veliaj, pasi Rama ka kërkuar shkarkimin sepse fajin e ka Ulziu.

Nuk e di ç’ka kërkuar Mero tek Ulsi Manja apo vetë Erion Veliaj, i cili në burgun e Durrësit rri duke pirë raki apo Royal Salute 25, por gabimi më i madh në jetë i Ulsi Manjës paska qenë që qe ministër i Drejtësisë në momentin që u arrestua nga SPAK-u Erion Veliaj dhe u burgos.

Për këtë arsye Ulsiu është shpallur dhe armiku i klasës dhe Mero Baze na e thotë qartë në lajthitjet e tij të pandalshme me shënime që nuk mundin dot jo vetëm të kalojnë klasën, por janë me më pak vlerë politike sesa fantazia e një fëmije 10-vjeçar në hartim.

Gjithsesi, ne e dimë pleqërinë e vetmuar dhe të mjerë të Meros tashmë i kthyer në një njeri të pasur me miliona e miliona euro, me hotel, apartamente, vila për të cilat është bërë fli duke qenë demokrat, duke u bërë si mendjendritur i socialistëve dhe tani duke katandisur më keq sesa zagari i Edi Ramës./ CNA

 





Lajmet e fundit nga