web counter
LEXO PA REKLAMA!

SHKARKO APP

App Store
Google Play

Mero Baze heshti për akulloren që kërkoi Erion Veliaj

28 Gusht 2025, 13:40, Plaku Mere CNA

Mero Baze heshti për akulloren që kërkoi Erion Veliaj

Kryebashkiaku i Tiranës reagoi në rrjetet e tij sociale nëpërmjet një letre apo qëndrimi dhënë nga avokatët e tij në datë 27 gusht duke shfaqur disa pika që në fakt dukej se ishin një kërkesë për akullore.

Ndoshta Veliaj mendon se në burg duhet të hash dhe akullore e se burgu bëhet edhe në zyrë, por ky është problemi i tij dhe avokatëve të tij si e trajton çështjen. Erion Veliaj thoshte se i ishin dhënë aktet në USB dhe nuk mund t’i aksesonte.

Në fakt, aktet i kanë marrë avokatët e tij që në datën 24 korrik kur është njoftuar akuza. Pra, pas më shumë se një muaji janë kujtuar avokatët të thonë pse na i dhatë me USB. Ndërkohë që i kanë marrë vetë dhe kanë firmosur kur i kanë marrë me USB.

Tani, në qoftë se Erioni i do me letra, avokatët mund të marrin USB, të shkojnë në një studio printimi, t’i printojnë, t’ia bëjnë mal, t’ia çojnë te burgu dhe t’i shikojë.

Megjithëse nga burime afër Veliajt theksohet se ai i ka parë dhe i ka lexuar një pjesë të madhe të materialeve që i janë vënë në dispozicion nga avokatët e tij.

Pra, qëndrimi i tij mund të jetë thjesht dhe vetëm një lojë publike për të shkuar më pas për ta pasur si grep në Gjykatën e Strasburgut. Më pas Erion Veliaj theksonte se avokatët e huaj nuk po e takonin dot.

Ne e kemi theksuar disa herë, Erion Veliaj ka dy avokatë, të dy kanë një prokurë përfaqësimi nga kryebashkiaku që ndodhet në burgun e Durrësit dhe mjafton shumë shpejt ta heqë njërin prej tyre dhe ta zëvendësojë me një të huaj.

Erion Veliaj mund të ketë dy avokatë, aq sa ka çdo shtetas tjetër shqiptar.

Erioni kërkon akullore, do dhe të shkojë në zyrë, por nuk është me brirë Erioni, nuk jeton në një univers tjetër, nuk ka Kod Penal tjetër. Një Kod Penal ka Shqipëria dhe ai zbatohet edhe për Erion Veliajn, edhe për çdo qytetar tjetër të Shqipërisë.

Pra, Erioni nëse do avokat të huaj të respektojë Kodin, ta marrë nga një zyrë përfaqësuese në BE, ta heqë njërin nga ata që ka dhe çështja është e zgjidhur.

Nuk mund të kesh dhjetë avokatë, nuk mund të kesh avokatë jashtë vendeve të BE-së. Ky është rregulli dhe më tej avokatët thonë që pengohet Erioni që të shkojë në zyrën e tij që të ushtrojë detyrën se është i zgjedhur.

Në fakt, Erioni ishte zgjedhur që të bënte ndonjë punë, jo të firmoste për OJF-të e bashkëshortes dhe familjarëve të saj që paratë të shkonin në shtëpinë e tij.

Këto tri teza të përmendura nga avokatët dhe Erioni, dje i ka publikuar edhe mbeturina e fundit mediatike e kryebashkiakut të Tiranës, Mero Baze.

Pasi i publikoi nuk reagoi. Çuditërisht dje prisnim editorialin vijues me sulmin e radhës ndaj SPAK-ut, me sulmin e radhës ndaj Ols Dados, me sulmin e radhës ndaj gjykatave, me kërcënimin e radhës se sa të vijë parlamenti i ri Mero Baze do të bëjë namin se Edi Rama duhet të bëjë luftë me drejtësinë e kështu me radhë.

Në fakt, nuk ndodhi, edhe pse siç e thamë në mënyrë ironike Erion Veliaj kërkon akullore, as Mero dje nuk ishte i gatshëm t’i jepte një akullore Erionit.

Një shkrim nga ato shkel e shko, as atë nuk e bëri Mero dje.

Nuk e dimë se ç’pati, pse u zbyth kështu Bazja i Saliut, i Metës, i Ramës dhe tani i ngelur si mbeturinë e Erion Veliajt nuk foli, nuk shkroi, nuk raportoi, nuk na tha asgjë se si e interpretonte ai akulloren që donte Erioni.

E donte me vanilje apo me çokollatë. Mero nuk ia dha as njërën as tjetrën, thjesht heshti.Heshti dhe e la të vetmuar e të mërzitur Lalin, me lot në sy që Mero nuk i çoi akulloren që ai kërkonte./ CNA

 





Lajmet e fundit nga