web counter
LEXO PA REKLAMA!

SHKARKO APP

App Store
Google Play

Si Tafazzi (Mero Baze) po ia fut më thellë Veliajt

5 Gusht 2025, 14:00, Plaku Mere CNA

Si Tafazzi (Mero Baze) po ia fut më thellë Veliajt

Mero Baze, personazh tafacian, zbuloi dje “ujin e nxehtë” (artikull i traktit të tij që e bëri milioner nën pushtetin e korruptuar të Rilindjes dhe 99-çave të Veliajt).


"Tafazzi", personazhi i famshëm italian i treshes komike Aldo, Giovanni dhe Giacomo

Kodi i ri Penal, projekti simbol i represionit, kjo sipas prokurorit të Përgjithshëm dhe shpurës idiote të dirigjuar nga Tafazzi ynë, përfshirë Manjanët, Tarifat, në të kundërt përshkohet nga fryma liberale, garantiste.

Ku e shikon Tafazzi këtë frymë?

Te dispozita që parashikon “shpërdorimin e detyrës”, e cila ndryshe nga e vjetra kërkon për konfigurimin e kësaj vepre një element subjektiv më tepër, qëllimin për të fituar për vete dhe për të tjerët apo për të dëmtuar të tretët.

Pra, në thelb bëhet më e vështirë për prokurorin për të provuar veprën penale, akuzën (kjo nuk e shqetëson Prokurorin e Përgjithshëm, por e shqetëson represioni). Por kur dikë e nxjerrin me urdhër dhe mision ndoshta dhe nga burgu s’ke çfarë bën.

Pra, Mero e kupton me vonesë, sepse qartazi i kanë sugjeruar, se nuk besoj se di të lexojë, se po i bie vetes si Tafazzi, po e sulmon atë (Kodin) për represion, ndërkohë që fryma e tij në linjë me zhvillimet e kohës dhe jurisprudencën dalka në këtë linjë të trajtimit të kësaj problematike, që ka të bëjë me administratorët publikë dhe përgjegjësinë e tyre (penale) dhe e gjithë kjo u karakterizuaka, në të kundërt nga garantizmi dhe liberalizmi. “Na mo, ej, mbaje kalin, le që ç’t’i thuash kur është vetë gomari që e tërheq”.

Tafazzi ynë kap situatën dhe jep opinione pozitive për këtë dispozitë duke imagjinuar dhe menduar hallin e Lalit, ndryshe zdromsi apo Erion Veliaj.

Si Tafazzi (Mero Baze) po ia fut më thellë Veliajt
Personazhi i famshëm italian, Tafazzi

Episodet e korrupsionit që i ngarkohen Veliajt mund të interpretohen, deklasifikohen si shkelje konfiguruese të veprës penale të “shpërdorimit të detyrës”, në formën e konfliktit të interesit. Por Veliaj ka vetëm një akuzë për shpërdorim detyre, janë edhe 12 të tjera, nga të cilat nëntë për korrupsion.

Të qëndrojmë te shpërdorimi i detyrës, ku fondet e marra nga gruaja prej përfituesve të lejeve dhe mbasi të ketë realizuar këtë synim, të insistojë për pafajësi lidhur me këtë vepër për shkak të pamundësisë së verifikimit të qëllimit të fitimit (shoqatat e regjistruara nga bashkëshortja kanë proklamuar me të madhe qëllimin jofitimprurës të tyre, por filantropinë, bamirësinë, rishpërndarjen e fondeve të dhuruara për qëllime sociale).

Pra, në çdo lloj forme ta lexojë Mero Kodin e ri Penal apo draftin fillestar, Erion Veliaj ngelet në burg fajtor bashkë me zonjën e tij, Ajola Xoxa. Meqë në Kodin e ri ka një tjetër konfigurim, për Meron shpëton Erioni, ama në të vërtetë ai penalizohet më keq, sipas zbulimeve të bëra nga prokurorët. Pra, edhe sikur të ishte në fuqi Kodi i ri, halli i Meros, Erion Veliaj, nuk do të ishte i pafajshëm, por edhe më fajtor, po të lexosh, jo të fantazosh. Prandaj dhe në fillim, jo pa qëllim, ishte fjalia “nuk di të lexojë”.

Një pyetje në fund për Veliajn, këtë Tafazzi-n bashkë me Tafazzi-t e tjerë i paguan për të të mbrojtur apo për të ta futur më thellë? Mesa duket edhe nga padija për të lexuar dhe nga vullneti për të shkruar keq ta kanë çuar.

p.s. Fjalia “fut më thellë” është në kontekstin e futjes së neneve të reja të Kodit të ri Penal./ CNA





Lajmet e fundit nga