MOS, Mero Baze qan Veliajn/ Na e arrestoi SPAK-u me urdhër të Saliut

Analisti i oborrit të Rilindjes, i dalë nga çeta e Saliut, sot ka dalë më tezën e tij më të re. Pas qindra shkrimesh pro SPAK-ut që arrestonte Berishën e Metën sepse duhej drejtësi, tani qan Veliajn dhe e quan politikë arrestimin e Veliajt para zgjedhjeve pa vendim gjykate.

Së pari, arrestimi ka vendim gjykate dhe një dosje më të lartë se Mero dhe së dyti është me vendim gjykate. Po ç’të bëjë i shkreti, duhet t’i japë kurajë propagandës me mendjen se PS dëmtohet duke arrestuar Veliajn.

Në fakt nga arrestimi i kryebashkiakut të inceneratorit të Tiranës që nuk ekziston dhe dosjes “5D”, PS mund të fitojë shumë, por po mori mendjen e Meros dhe mediave të inceneratorëve, apo atyre që kanaleve u kanë vënë maska, mund ta kenë me keq se kurrë.

Baze sot ka marrë armën në lojën e Ramës dhe Xhafës për të sulmuar Dumanin e SPAK. Pasi nuk ia dolën me tezat se i kontrollonin, pasi nuk ia dolën me akuzat që çuan vetë te Saliu, tani gjejnë mënyrën për të gënjyer edhe vetë Erion Veliajn. Sulm ndaj SPAK-ut që të mos “lajthisë” Erioni, asgjë më shumë se kaq.

Por, kur Mero thotë e arrestuan se thotë Saliu është njësoj si të besojmë se Saliun e arrestuan se tha Mero.

Baze shkruan se “ngjyrat e një linçimi politik nga zyrtarët e SPAK-ut, të cilët, me sa duket, duan të heqin komplekset e tyre politike nga sulmet e Berishës dhe Metës, duke ofruar shërbime politike për ta”.

Sipas Mero Bazes, Erion Veliaj s’duhej të ishte arrestuar, sepse “arrestimi paraprak i një zyrtari kaq të lartë – tri herë i zgjedhur i kryeqytetit në detyrë – për një hetim, jo rreth përgjegjësive të tij zyrtare, është thjesht përfshirje në fushatë elektorale e prokurorisë speciale. Arrestimi në fillim të fushatës elektorale është rreshtim i neveritshëm politik”. Pra sipas Meros, duhej që hajduti i kapur gjallë me emrin Erion duhet të rrinte i lirë se ishte socialist e në detyrë, megjithëse mund të prishte provat. Ata të tjerët që kishin ikur njëri 12 e tjetri 8 duhet të ishin në burg, edhe pse nuk prishin dot prova.

Sa poshtë bie Mero nga halli, “prokurori i çështjes dhe agjentët e BKH-së në atë proces kanë intimiduar artistë dhe bashkëpunëtorë të fondacionit me shantazhe personale, deri edhe në jetën private, duke gërmuar nëpër telefonat e tyre dhe duke krijuar një klimë të paligjshme në prodhimin e fakteve që u duheshin për të ilustruar një akuzë që e kishin shkruar më parë”.

Në fakt, prokurorët e SPAK-ut duhet të hetojnë, jo të intimidojnë zyrtarë, gazetarë apo ortakë, biznesmenë, etj., për hotele në Ksamil e Sarandë, që shkojnë deri te Veliaj e përtej tij.