web counter
LEXO PA REKLAMA!

SHKARKO APP

App Store
Google Play

Erion Veliaj kërkon akullore

27 Gusht 2025, 13:26, Aktualitet CNA
Erion Veliaj kërkon akullore
Foto e montuar, Erion Veliaj me akullore

Kryebashkiaku i Tiranës, i cili ndodhet në burgun e Durrësit, Erion Veliaj, sot në një postim të tij në rrjetet sociale, ndoshta i frymëzuar edhe pas publikimit të një mesazhi të koduar në “TikTok”, ka shkuar edhe më tej.

Fjalia e përkthyer është: “Erion Veliaj kërkon akullore”.

Asgjë më shumë sesa kaq. Lali Eri do akullore siç duan kalamajtë dhe sillet pikërisht si ata. As më pak e as më shumë se kaq.

Si fëmijët, dua akullore, e dua tani, e dua këtu. Avokatët e Erion Veliajt, të cilët paguhen me qindra mijëra apo miliona euro, i kanë marrë aktet dhe kanë firmosur procesverbalin.

Mund t’i marrin nga USB-ja, t’i printojnë dhe t’i çojnë në zyrë. T’ia përkthejnë dhe anglisht, t’ua japin anglezëve, amerikanëve, t’ia çojnë dhe Lali Erit.

Edhe, ndoshta, Lali Eri që do akullore do ta bëjë edhe burgun në zyrë, po burgu nuk bëhet në zyrë, bëhet në qeli.

Dhe, tani që e ka kuptuar se deri ku kanë shkuar hetimet dhe çfarë, jo rrezikon, por pritet të dënohet për shkak të shkeljeve dhe veprave të rënda penale që janë zbuluar, nuk i ka ngelur gjë tjetër thjesht dhe vetëm të kërkojë akullore.

Ka dhe moshën në fakt për një akullore, por varet nga lloji i akullores që kërkon dhe varet si e përdor me çokollatë a pa çokollatë, apo varet dhe si është mësuar.

Nuk ka faj Lali Eri. Kujton se duke gënjyer pa ndalim publikisht do të fitojë lirinë e tij për një “padrejtësi” që i është bërë.

Në fakt, ndaj Erion Veliajt nuk ka asnjë padrejtësi, sepse askush nuk e beson dot që kryebashkiaku i Tiranës, njeriu që do të ishte trashëgimtari i PS-së, mund të hetohet padrejtësisht, të dënohet padrejtësisht, të mbahet në burg padrejtësisht, aq më shumë të mos i jepen aktet.

Por ndoshta, siç e theksuam dhe më lart, Erioni mendon se burgu bëhet në zyrë, ku i çojnë dhe akulloret siç i do ai./ CNA





Lajmet e fundit nga