web counter
LEXO PA REKLAMA!

SHKARKO APP

App Store
Google Play

Skadon memorandumi 10-vjeçar/ Rikthehet gjuetia, gjoba deri në 1.3 milionë lekë për zonat e ndaluara

26 Gusht 2025, 15:55, Aktualitet CNA

Skadon memorandumi 10-vjeçar/ Rikthehet gjuetia, gjoba deri në 1.3

Këtë muaj ka skaduar memorandumi rreth 10-vjeçar për gjuetinë, që e rikthen sërish si aktivitet të lejuar në zona të caktuara në vend.

Projektligji “Për gjuetinë” është hedhur në konsultim publik nga Ministria e Turizmit dhe Mjedisit.

Njohës të fushës shprehen se ky ndryshim do të shoqërohet me rregulla të reja, siç është përgatitja për të paktën 5 vite për gjahun.

 “Zonat e gjuetisë mund t’u jepen subjekteve private me anë të një procedure konkurrimi dhe për një afat jo më pak se 10 vjet, kjo për arsyen se sipas ekspertëve të fushës së gjuetisë, duhen të paktën 5 vjet për të përgatitur gjahun. Subjekti fizik ose juridik do të jetë njëkohësisht dhe menaxhuesi i zonës. Në fakt projektligji i ri nuk ndryshon shumë nga nismat e mëhershme të moratoriumit. Në relacion thuhet gjithashtu se nisma ligjore do t'i shërbejë shtimit të popullatës së shpendëve dhe kafshëve. Problemi i madh është që ne sot nuk kemi asnjë të dhënë se sa ndikoi te përmirësimi i jetës së egër moratoriumi i shtyrë disa herë”,-tha për "A2 CNN", Aleksandër Trajçe, Drejtor Ekzekutiv i PPNEA.

Nisma e re ligjore parashikon se në rastet kur gjuhen kafshë në zona të ndaluara dhe që nuk janë pjesë e listës apo kur mungon leja e gjuetisë, do të ketë penaliteti me gjoba të majme, që variojnë nga 500 mijë lekë në 1 milion e 300 mijë lekë. /CNA

 





Lajmet e fundit nga