web counter
LEXO PA REKLAMA!

SHKARKO APP

App Store
Google Play

Realizohet në Spitalin Amerikan 3, kirurgjia zgjuar në trurin e një fëmije

25 Gusht 2025, 13:39, Aktualitet CNA

Realizohet në Spitalin Amerikan 3, kirurgjia zgjuar në trurin e

Realizohet për herë të parë në Shqipëri, në Spitalin Amerikan 3, kirurgjia zgjuar në trurin e një fëmije, një ndërhyrje e rrallë dhe delikate që kërkon koordinim të jashtëzakonshëm multidisiplinar.

Ndërhyrja komplekse u realizua nga Prof. Mentor Petrela dhe neurokirurgu Dr. Mirel Grada, me mbështetjen e një ekipi të përbërë nga neurofiziologë, neuropsikologë, neurologë dhe neuroanestezistë.

Realizohet në Spitalin Amerikan 3, kirurgjia zgjuar në trurin e

Alvensi ishte pacienti i parë që në moshën 14-vjeçare u paraqit me një sëmundje të anës së majtë të trurit ku komandohet dora, këmba dhe kryesisht qendra e të folurit dhe komunikimit. Pra, u bë imperative që për ta ndihmuar atë sa më tepër, një kirurgji zgjuar do t’i jepte shanset më të mëdha sesa një kirurgji që do të bëhej me narkozë.

U arrit të realizohej me sukses një ndërhyrje e rrallë dhe jashtëzakonisht komplekse, që kërkon jo vetëm pjesëmarrjen aktive të pacientit, por edhe një ekip mjekësor me ekspertizë të veçantë dhe kualifikim të lartë ndërkombëtar.

Realizohet në Spitalin Amerikan 3, kirurgjia zgjuar në trurin e

Me këtë ndërhyrje unike në rajon, që sipas raportit të fundit botuar në 2023, të numrit të rasteve të trajtuara deri tani, në Journal of Neurosurgery, revista amerikane me impaktin më të larte në specialitet, Spitali Amerikan radhitet me standardet e qendrave më të avancuara ndërkombëtare në neurokirurgji./ CNA





Lajmet e fundit nga