Dita e shtatë/ Erion Veliaj dhe Mero Baze vijojnë mashtrimin publik, nuk publikojnë dokumentin me firmën e Ols Dados

24 Gusht 2025, 14:24, Aktualitet CNA

Dita e shtatë/ Erion Veliaj dhe Mero Baze vijojnë mashtrimin publik,

7 ditë që nga postimi i datës 18 gusht. Erion Veliaj dhe Mero Baze nuk e kanë nxjerrë dokumentin me firmën e Ols Dados që sipas pretendimeve të tyre ka kërkuar një shtesë mbi lejen e ndërtimit dhe as refuzimin me firmën e kryebashkiakut për kërkesën e bërë nga prokurori.

Erion Veliaj iu drejtua gjykatës me një dokument me 175 pika në 77 faqe pa firmë për të shpallur të pavlefshme hetimet ndaj kryebashkiakut, i cili ndodhet në qelitë e burgut të Durrësit me 13 akuza për disa vepra të rënda penale.

Kanë kaluar 7 ditë dhe Erion Veliaj e Mero Baze nuk e kanë publikuar ende dokumentin e pretenduar prej tyre me firmën e prokurorit Ols Dado për një shtesë mbi pjesën me leje dhe as refuzimin e kësaj kërkese me firmën e Erion Veliajt. (Kërkesa nuk ekziston, as refuzimi, njësoj si inceneratori i Tiranës)

Mero Baze përmes një editoriali të llojit të tij, si vegël e Erion Veliajt thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

“Pra, është e qartë që kemi të bëjmë me një hetim të kërkuar me ngulm nga një prokuror, i cili muaj më parë ka pasur konflikt personal për të, lidhur me kërkesat e tij për një leje ndërtimi jashtë kritereve ligjore që kishte bashkia, e cila nuk i është realizuar”, thotë Mero Baze, i cili shërben si vegël e kryebashkiakut Erion Veliaj.

Dita e shtatë/ Erion Veliaj dhe Mero Baze vijojnë mashtrimin publik,

Nëse është kështu, pse nuk e publikon dokumentin me firmën e Ols Dados dhe refuzimin me firmë të Erion Veliajt, Mero Baze?

Nga ana tjetër Erion Veliaj, në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

Dita e shtatë/ Erion Veliaj dhe Mero Baze vijojnë mashtrimin publik,

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

Dita e shtatë/ Erion Veliaj dhe Mero Baze vijojnë mashtrimin publik,

Ku është dokumenti me firmën e Ols Dados dhe refuzimin me firmën e Veliajt, për të cilin pretendon kryebashkiaku?

Pra, kanë kaluar 7 ditë dhe pretendimet e Veliajt dhe Mero Bazes nuk kanë asnjë bazë, pasi nuk kanë as dokumentin me firmën e prokurorit që sipas tyre ka kërkuar shtesë dhe as dokumentin e refuzimit me firmën e kryebashkiakut që thotë se Ols Dado po “hakmerret” ndaj tij për këtë shkak./ CNA