web counter
LEXO PA REKLAMA!

SHKARKO APP

App Store
Google Play

Dyndje drejt Velipojës dhe Shëngjinit/ Pushuesit nga Kosova: Jemi nisur pa zbardhur, ende në trafik

23 Gusht 2025, 14:17, Aktualitet CNA

Kjo fundjavë po shoqërohet me një fluks të jartë automjetesh në Rrugën e Kombit, nga Rrësheni në Milot dhe në drejtim të Lezhës. Dyndja e pushuesve nga Kosova drejt bregdetit të veriut ka krijuar radhë të gjata që prej orëve të para të mëngjesit të kësaj të shtune.

Për të përshkuar vetëm 17 kilometra rrugë, qytetarët thonë se u duhet të presin deri në tri orë, duke e cilësuar situatën të papranueshme, pasi pushimet po kthehen në makth për ta. Rradhë ka pasur si në drejtim të Shëngjinit e po ashtu edhe drejt Velipojës.

"Jemi nisur prej orës 6:30 ende nuk kemi mbërritur në Shëngjin. Nuk është normale kjo gjendje".

"Jemi nisur rreth orës 7:30 nga Kosova. Mendoj të arrijmë rreth orës 15:00-16:00 në Velipojë. Kjo nuk është normale".

Trafiku i rënduar ka shoqëruar Rrugën e Lezhës që prej nisjes së sezonit turistik, por situata është përkeqësuar edhe më shumë pas mbylljes së urës së Milotit në fund të korrikut, për shkak të dëmtimeve që ajo ka pësuar.

Ndërkohë, policia rrugore është vendosur në disa prej pikave më problematike për të lehtësuar qarkullimin e automjeteve, por qytetarët kërkojnë një zgjidhje afatgjatë pasi pritjet kanë qenë të gjata./ CNA





Lajmet e fundit nga