web counter
LEXO PA REKLAMA!

SHKARKO APP

App Store
Google Play

“Rritje me 12% e rasteve të zjarreve”/ Cara: 3981 vatra këtë vit, menaxhimi mbetet sfidë

22 Gusht 2025, 20:13, Aktualitet CNA

“Rritje me 12% e rasteve të zjarreve”/ Cara: 3981 vatra

Drejtori i Shërbimit Zjarrfikës, Arben Cara u shpreh sot se deri më tani gjatë këtij viti janë regjistruar 3981 vatra zjarri në të gjithë vendin.

Në një dalje televizive, Cara ndau të dhëna krahasimore me vitin e kaluar, ku theksoi një rritje me 12%.

Cara u ndal edhe të vështirësitë e punës për shuarjen e zjarreve, si terreni i vështirë dhe menaxhimi.

“Kemi rreth 3981 vatra dhe ndërhyrje për shpëtim gjithsej. Ku nga këto 3120 kanë qenë vatra zjarri në pyje dhe kullota. Pjesa më madhe e ndërhyrjeve kanë qenë në zonat me pishë, bredh, por edhe në zonat periferike të qyteteve dhe të fshatrave ku vetë banorët kanë qenë ata që kanë krijuar vatrat e zjarrit duke bërë pastrimet e pemëtarive dhe kullotave të tyre. Nëse marrim vitin e kaluar me këtë vit, vetëm për dy muaj ne kemi mbi 1200 vatra zjarri në pyje e kullota gjë e cila ka bërë të ketë një trend në rritje. Të paktën jemi rritur me 12%. Pra nëse në një javë ne kishim 6 apo 7 vatra zjarri vitin e kaluar, këtë vit ne kemi patur 13 vatra zjarri pothuajse në çdo javë. Infrastruktura është ajo që t’i të hasësh vështirësi në çdo rast kur automjetet zjarrfikëse nuk aksesojnë deri pranë vatrës së zjarrit dhe vështirësia për ta menaxhuar një vatër zjarri është më e madhe dhe kërkohet përveç forcave tokësore për ta menaxhuar kërkohet dhe ndihmë nga ajri”,-deklaroi Cara./CNA

 

 





Lajmet e fundit nga