web counter
LEXO PA REKLAMA!

SHKARKO APP

App Store
Google Play

Miratohen udhëzimet për vitin e ri shkollor/ Ndalohen telefonat, kujdes ndaj dhunës dhe bullizmit

21 Gusht 2025, 20:11, Aktualitet CNA

Miratohen udhëzimet për vitin e ri shkollor/ Ndalohen telefonat,

Miratohen udhëzimet e reja për mbarëvajtjen e vitit shkollor 2025–2026 në sistemin arsimor parauniversitar.

Udhëzimi është botuar në Fletoren Zyrtare.

Pjesa e rëndësishme e rregullores lidhet me detyrimet për regjistrimin e nxënësve, shpërndarjen e teksteve shkollore, ndalimin e përdorimit të celularëve në shkolla, si dhe parandalimin e dhunës dhe bullizmit në institucionet arsimore.

“ZVAP-të dhe drejtoritë e institucioneve arsimore të marrin masa për zbatimin e Planit Kombëtar të Veprimit “Për fuqizimin e mekanizmave të parandalimit të çdo forme dhune e bullizmi dhe rritjen e sigurisë në institucionet arsimore parauniversitare”, miratuar me urdhrin nr. 32, datë 21.1.2025, duke ndjekur me përparësi:

a) zbatimin e Kodit të Etikës së mësuesit, gusht 2025; b) planifikimin vjetor të veprimtarive ndërgjegjësuese me fokus parandalimin dhe minimizimin e dhunës, bullizmit dhe ekstremizmit në institucionet arsimore; c) ngritjen e këndit “Stop dhunës në shkollë”; ç) ngritjen e ekipeve “antibulling” në çdo shkollë;d) monitorimin dhe përmirësimin e punës së komisioneve të disiplinës dhe të komisioneve të etikës dhe të sjelljes, për trajtimin e rasteve të çdo lloji dhune në institucionet arsimore, dh) organizimin e veprimtarive ndërgjegjësuese të datës 21 nëntor, Ditës Kombëtare kundër Bullizmit; e) konsolidimin e rrjetit të mësuesve koordinatorë për parandalimin e ekstremizmit të dhunshëm në arsimin parauniversitar; ë) raportimin në DRAP, brenda datës 30.5.2026, sipas formateve të përcaktuara, të rasteve të dhunës në institucionet arsimore, të trajtuara nga komisionet e etikës, si dhe raportin informues për punën e bërë për mbrojtjen e të drejtave të fëmijëve sipas Konventës për të Drejtat e Fëmijëve. 2. AKAP-ja harton raportin përmbledhës të marrë nga DRAP-të dhe e dërgon në MAS, brenda datës 1.7.2026.”,-thuhet ndër të tjera në udhëzim./CNA

Miratohen udhëzimet për vitin e ri shkollor/ Ndalohen telefonat,

 





Lajmet e fundit nga