web counter
LEXO PA REKLAMA!

SHKARKO APP

App Store
Google Play

“Luftë kundër Piraterisë”/ AMA: Miratohet me votë unanime shtimi i masave për subjektet audiovizive

22 Gusht 2025, 16:26, Aktualitet CNA

“Luftë kundër Piraterisë”/ AMA: Miratohet me

Autoriteti i Mediave Audiovizive ka njoftuar sot se është ndërmarrë një hap i rëndësishëm në luftën kundër piraterisë.

Sipas AMA-s, këtë të premte u miratua me votë unanime ndryshimi në rregullore "Për kriteret dhe procedurat e dhënies së autorizimeve", çka shton masat për subjektet audiovizive që shesin produkte pa autorizim.

“Luftë kundër Piraterisë

Sot kemi hedhur një hap të ri në betejën kundër Piraterisë.

Miratuam me votë unanime, ndryshimet e propozuara në rregulloren, "Për kriteret dhe procedurat e dhënies së autorizimeve".

Këto ndryshime kanë të bëjnë me shtimin e masave përforcuese të respektimit të ligjit dhe detyrimin, sipas të cilit, të gjithë subjektet audiovizivë, që shesin produkt audioviziv, duhet t'i përmbahen vetëm produktit për të cilin janë autorizuar.

Ky autorizim nuk ka lidhje me qasjen në kanalet e hapura për qytetarët.

Është e rëndësishme të kuptohet se, aktiviteti që disa subjekte kanë zgjedhur të bëjnë, duke shitur kanalet e lira bashkë me produktin për të cilin janë të autorizuar, është devijim nga ligji.

Ky abuzim nuk do të vazhdojë më!

Kjo masë përforcuese e ligjshmërisë nuk është frenim i teknologjisë, por frenim i abuzimit të ndodhur kohët e fundit, nga subjekte që kanë ofruar kanalet e lira si pjesë ose shtesë të paketave të tyre.

Nga sot të gjithë subjektet do të modulojnë dekoderat dhe të zbatojnë ligjin.

Jemi të palëkundur në luftën tonë. Paligjshmëria duhet dhe do të marrë fund!”,-njofton AMA./CNA

 





Lajmet e fundit nga