E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Pengoi çlirimin e hapësirës publike/ Rama paralajmëron një tjetër gjykatës: Nuk ka tolerancë

22 Gusht 2025, 10:51, Aktualitet CNA

Pengoi çlirimin e hapësirës publike/ Rama paralajmëron

Kryeministri Edi Rama, pas prokurores Gjeli, gjykatësit Balliu, nuk ka kursyer as gjykatësin Klarent Demiri.

Rama thotë se me dy vendime, gjykatësi ka penguar ekzekutimin për çlirimin e hapësirave publike.

Numri një i qeverisë paralajmëroi se nuk do të ketë tolerancë për asnjë përfaqësues të pushtetit të pavarur gjyqësor, që pavarësinë e tij do ta keqpërdorë për të cenuar pavarësinë e pushtetit ekzekutiv, duke penguar përmes shpërdorimit arbitrar të detyrës së vet zbatimin e programeve, projekteve apo vendimeve në interes të publikut.

Ai bëri me dije se edhe për gjykatësin Demiri do t’u drejtohen organeve të pavarura të qeverisjes e të kontrollit të Gjyqësorit, njësoj si për prokurore Gjelin dhe për gjykatës Balliun.

“Çfarë duhet të ketë ngrënë gjykatësi Klarent Demiri kur ka marrë vendimin për të penguar ekzekutimin e vendimit të çlirimit të kësaj “toke të xanun”?

Dhe nuk ka marrë një, po dy vendime të tilla, duke u shquar si i vetmi gjykatës deri tani që i ka rënë ndesh haptaz interesit publik, interesit të komuniteteve për çlirimin e hapësirave të tyre publike dhe zbatimit të programit të qeverisë në dobi të qyteteve e në funksion të Shqipërisë 2030 në BE.

Një gjë është pak po e sigurtë:

Ne nuk do ta tolerojmë më as në heshtje, as duarlidhur asnjë përfaqësues të pushtetit të pavarur gjyqësor, që pavarësinë e tij do ta keqpërdorë për të cënuar pavarësinë e pushtetit ekzekutiv, duke penguar përmes shpërdorimit arbitrar të detyrës së vet zbatimin e programeve, projekteve apo vendimeve në interes të publikut

Edhe për gjykatës Demirin do t’i drejtohemi organeve të pavarura të qeverisjes e të kontrollit të gjyqësorit, njësoj si për prokurore Gjelin dhe për gjykatës Balliun, duke vazhduar të shpresojmë se këto organe jetike për mirëqeverisjen e gjyqësorit do të dalin nga zona e komfortit ku janë rehatuar, ndërkohë që Reforma në Drejtësi kërkon në radhë të parë përkushtimin, profesionalizmin e kurajon e tyre", shkruan Rama./ CNA