web counter
LEXO PA REKLAMA!

SHKARKO APP

App Store
Google Play

Bashkia e Tiranës, simbol i dështimit financiar dhe mungesës së transparencës/ Vetëm 20% e investimeve publike të realizuara

23 Gusht 2025, 13:27, Aktualitet CNA

Bashkia e Tiranës, simbol i dështimit financiar dhe mungesës

Nënkryetari i Këshillit Bashkiak Tiranë, Dorian Teliti, në një deklaratë për mediat, është shprehur se sipas të dhënave zyrtare të vetë bashkisë për 7 muajt e parë të vitit 2025, vihet re një shpërdorim flagrant i taksave të qytetarëve.

Teliti thotë se 13 milionë euro më shumë janë shpenzuar për paga dhe shpenzime operative, për të mbajtur në këmbë një administratë të fryrë dhe politikisht të kapur.

Sipas tij, kjo administratë është rritur trefish në 10 vitet e fundit, pa asnjë reflektim mbi eficiencën apo nevojën për shërbim publik më cilësor.

Ndërkohë, thekson se investimet publike, thelbi i çdo qeverisjeje vendore që funksionon në shërbim të komunitetit, janë neglizhuar plotësisht.

Po ashtu nënvizon se në këtë 7-mujor vetëm 35 milionë euro investime janë realizuar, që përbëjnë vetëm 20% të planifikimit për periudhën janar-korrik, duke lënë qytetarët pa infrastrukturë, pa shërbime dhe pa zhvillim.

Teliti deklaron se Tirana është kthyer në një qytet të shpenzimeve luksoze për propagandë dhe evente me miliona euro, ndërsa komunitetet në periferi dhe zonat rurale vuajnë mungesën e ujit, të kanalizimeve, të ndriçimit publik dhe të infrastrukturës bazë, përfshirë atë arsimore.

Partia Demokratike e konsideron këtë situatë të papranueshme dhe rikujton qytetarët dhe institucionet se qeverisja pa votë është uzurpim, jo demokraci.

Sipas Telitit, zgjidhja e vetme për të rikthyer normalitetin dhe funksionimin demokratik në Bashkinë e Tiranës është mbajtja e zgjedhjeve të parakohshme të lira./ CNA





Lajmet e fundit nga