web counter
LEXO PA REKLAMA!

SHKARKO APP

App Store
Google Play

"Gjithë ky lloj llumi, ka shfrytëzuar dijen e tij"/ Gjergj Luca reagon ndaj hipokrizisë në homazhet për Artur Zhejin

25 Gusht 2025, 14:51, Aktualitet CNA

"Gjithë ky lloj llumi, ka shfrytëzuar dijen e tij"/ Gjergj

Biznesmeni Gjergj Luca, me anë të një postimi në rrjetet sociale, ka reaguar ndaj hipokrizisë në homazhet e Artur Zhejit.

Luca thotë se në homazhe ka pasur një llum, një hipokrizi, ku ishin të pranishëm persona që e kanë shfrytëzuar Zhejin dhe forcën e mendimit të tij, në shërbim të problemeve të tyre.

Në homazhet e mbajtura ditën e sotme shumë persona dolën para kamerave dhe shprehën ngushëllimet e tyre, por e gjitha është një hipokrizi, pasi e kanë shfrytëzuar Zhejin për interesat e tyre.

 

“Sapo dola nga homazhet e një shoku të mirë të fëmijërisë, të akademisë, të një intelektuali të mirëfilltë, që trashëgoi forcën e mendimit nga i ati i vet, nga familja e vet. Nuk mund të rri dot pa i thënë dy fjalë, kam ndier një pështjellim gjithë këto ditë nga statuset e njerëzve që u është dhimbsur ky njeri, por dhe sot kur vajta atje dhe pashë disa portrete... Mbase nuk është dita, mbase po bëj gabim, por nuk e di... Turi vitet e fundit ka qenë peng i veseve të veta dhe të gjitha këto lloj portretesh, gjithë ky lloj llumi, ka shfrytëzuar dijen e tij, ka shfrytëzuar forcën e mendimit të tij, për ta çuar në shërbim të problemeve që kanë pasur ata. Pra, të gjithë këta njerëz dhe e gjithë kjo hipokrizi ka shfrytëzuar këto momente të vështira, që Turi iu dorëzua vesit. Tur t’u prehtë shpirti në paqe vëlla edhe të të rrojë familja, të të rrojnë fëmijët që të kujtojnë ato momente të mira që keni ndarë bashkë”, thotë Luca./ CNA

 

 





Lajmet e fundit nga