web counter
LEXO PA REKLAMA!

SHKARKO APP

App Store
Google Play

Rivlerësimi i pronave me normë tatimi 5%/ NAREA: Do të ketë ndikim të drejtpërdrejtë në sektor, të ulët në 3%

26 Gusht 2025, 15:28, Aktualitet CNA

Rivlerësimi i pronave me normë tatimi 5%/ NAREA: Do të ketë

Që nga 1 janari i vitit 2026 do të nisë fushata e rivlerësimit të pronave. Projektligji i ri "Për rivlerësimin e pasurisë së paluajtshme” është hedhur në konsultim publik.

Por Shoqata Kombëtare e Ndërmjetësve të Pasurive të Paluajtshme të Shqipërisë (NAREA) kërkon që norma tatimore të ulet nga 5% në 3%.

Në një prononcim për "A2CNN", Drejtori Ekzekutiv i NAREA-s, Reinaldo Pipiria, shprehet se mosndryshimi i normës do të sjellë efekte negative të drejtëpërdrejta në këtë sektor.

“Pse? Sepse vendosja e një tatimi mbi transaksionet e pasurive të patundshme nuk mund të jetë një lojë kungulleshash. Sa? Po sa? Jemi bazuar mbi fushatën e fundit, e cila ka funksionuar më së miri, pra 3 përqindëshi i aplikuar në periudhën 2020-2022 ka funksionuar më së miri.

I ka dhënë gjallëri tregut dhe ka sjellë ofertë për blerësin e parë dhe ka sjellë para për buxhetin e shtetit. Madje mbi 100 zyra të shitjes së pasurive të patundshme që përfaqësohen në shoqatë. 'NAREA' i kërkojnë qeverisë që tatimi i shitblerjeve të pronave përtej fushatave të mos jetë 15 për qind, por më e ulët. Tatimi i të ardhurave nga shitja e pasurive të paluajtshme, 'tatimi mbi fitimin kapital të realizuar' në masën 15% është provuar tashmë se ka disa efekte negative të drejtpërdrejta, në sektorin e Veprimtarive me Pasuritë e Paluajtshme.

Në këtë kontekst, si NAREA ne ndajmë qëndrimin se një barrë fiskale kaq e lartë, prej 15%:  Ngadalëson transaksionet, ndikon negativisht në të ardhurat buxhetore, nxit informalitetin, duke prodhuar mënyra më të sofistikuara për të shmangur barrën”,-thotë Pipiria./CNA





Lajmet e fundit nga