web counter
LEXO PA REKLAMA!

SHKARKO APP

App Store
Google Play

E fundit!

x

Mero Baze, nga frika e Ramës fajëson Ulsiun

18 Tetor 2025, 18:26, Plaku Mere CNA

Mero Baze, nga frika e Ramës fajëson Ulsiun

Mero Baze vazhdon mashtrimet e tij publike, gënjeshtrat, duke krijuar kauza mbi të pavërteta. Gjen një pikë, e ndryshon, mashtron, e tjetërson dhe pastaj kërkon ta ngrejë si opinion për të detyruar mazhorancën, opozitën të kenë tjetër qasje dhe tani betejën e ka të madhe me SPAK-un, me institucionin që i kishte dhënë Saliut atë që meritonte dhe Ilir Metës bashkë. Por që Meros i prishi punë kur arrestoi Erion Veliajn, të cilin e hetoi gjatë. Sot ish-kryebashkiaku i Tiranës është shkarkuar nga vetë socialistët, ka 13 akuza, ka kaluar në të gjitha nivelet e gjykatave, është me të paktën pesë vendime nën masën e arrestit, por Mero Baze është shumë i mërzitur.

Në pleqërinë e tij të parakohshme nuk e shpëton dot kush dhe nuk e ndal dot, por gjynah që e ka me kaq shumë vuajtje, duhet ta mëshirojmë të shkretin, por ai vazhdon të shkruajë dhe sa më shumë të shkruajë, aq më mirë bën se edhe njerëzit e kuptojnë se deri ku mund të shkojë budallallëku i një individi.

Ne po sjellim sot një tjetër material që lidhet me një shkrim të publikuar së fundmi nga Mero Baze. Pas daljes publike të Altin Dumanit, ai e mori dhe e tjetërsoi fjalën e kreut të SPAK, që kishte të bënte në lidhje me një pyetje nga deputeti Damian Gjiknuri, sa duhej teknologjia në burgje, pra kompjuterat, interneti e të tjera. Mero Baze tha se fajin për këtë e kishte Ulsiu. Dhe kjo sipas qëndrimit që kishte mbajtur Altin Dumani.

Në fakt ne e nxorrëm videon e Altin Dumanit që mund ta lexoni këtu dhe e raportuam dje, por e vërteta është krejt ndryshe. Altin Dumani tha se duhet teknologjia sa më parë, mund të jetë me internet të kontrolluar. Sot ofrojnë shumë lloj shërbimesh, kompjuterat mund të jenë tek të burgosurit. Por kjo nuk është në dorë të SPAK-ut, është në dorë të Ministrisë së Drejtësisë.

Këtu u kap Mero, deri këtu e lexoi, nuk e lexoi të plotë fjalinë e Dumanit. Megjithëse dihet që e ka parë dhe e dëgjuar mjaft mirë, por u kap te kjo fjali për të ngritur kauzat, për të na thënë se fajin e ka Ulsiu. Altin Dumani tha dhe një fjalë tjetër, tha që “kjo ju takon ju të ndryshoni ligjet dhe rregulloret”, pasi Drejtoria e Përgjithshme e Burgjeve funksionon mbi një ligj të mirëpërcaktuar.

Ne treguam dje se ka një VKM, e cila mirëpërcakton se si veprohet në burgje. Aty nuk përfshihet teknologjia. Nuk thotë të burgosurit në paraburgim mund të përdorin kompjuter apo internet, e kanë të ndaluar.

Mero Baze, nga frika e Ramës fajëson Ulsiun
VKM e Rregullores së Përgjithshme të Burgjeve

Dhe këtu në këtë rast fajin nuk e ka as Ulsiu, as Altin Dumani, as drejtori i përgjithshëm i burgjeve. Këtu duhet një iniciativë ligjore, të ndryshohet ashtu siç tha zoti Dumani të bëhet sa më parë. Partia Socialiste ka 83 mandate, ka dhe aleatë të tjera atje brenda, pra që mund të bëjë një tufë me vota, mund ta ndryshojë ligjin dhe t'i çojë jo vetëm Erion Veliajt kompjuter, por dhe shumë të tjerëve.

Por Mero Baze është kapur te Ulsiu. Duke qenë se nuk ia mban menderja thotë populli, që të shkruajë për Edi Ramën dhe t'i kërkojë publikisht kryeministrit të ndryshojë me vendim të Këshillit të Ministrave rregulloren e burgjeve, i vërsulet Ulsi Manjës.

Thotë fajin e ka Ulsiu që nuk e la, nuk i dha kompjuterin Erion Veliajt që të njihej me akuzën. Në fakt kjo është një gënjeshtër, sepse avokatët i kanë marrë materialet dhe ato mund t'i aksesojnë, pra mund t'i lexojnë, mund t'i shohin në formë elektronike sa herë të duan. Mund të shkojnë të paguajnë lekët dhe t'i marrin dhe në formë të printuar, por janë male me letër që duhet të konsumohen dhe do të ndotet shumë ambienti dhe kostoja do të ishte shumë e madhe, pasi janë rreth 60 mijë faqe.

Prandaj janë dhënë në format elektronik, i kanë marrë avokatët, po i studiojnë, po i lexojnë dhe ata që na thoshin se s'ka akuzë për Erionin prej tre muajsh, sot nuk shkojnë në gjykatë. Një nga këta kryesorët ishte Mero Baze. Ky Mero Baze që na thotë tani se Altin Dumani ka thënë fajin e ka Ulsiu, në fakt Altin Dumani ka thënë se fajin e ka ligji dhe janë deputetët që duhet ta ndryshojnë apo rregulloret dhe VKM-të përkatëse në zbatim të ligjit, të cilat duhet t'u shtojnë këtë të drejtë të paraburgosurve.

Mero Baze sërish mashtroi, deformoi fjalët e Dumanit. Iu drejtua Ulsiut pasi nuk ka as kurajën më të vogël qytetare tashmë të thotë një fjali të vetme kundër Edi Ramës. Edhe pse iku trashëgimtari që ai kishte projektuar për Partinë Socialiste si Erion Veliaj, tani Mero nuk po merret me gjë tjetër, por thjesht dhe vetëm kap një fjali, e keqpërdor, fillon të mashtrojë opinionin duke na treguar se halli i madh na qenkërka Ulsiu.

Dikur ishte Ols Dado dhe SPAK-u, se Altin Dumanit, më keq se Edi Ramës, ka shumë frikë t'ia përmendë emrin, por t'ia tjetërsojë fjalët dhe të gënjejë publikisht, këtë mund ta bëjë pasi nuk i ka ngelur më fytyrë. Imagjinoni, mjafton ta shikoni dhe vlerësojeni. Po ia kalon dhe Fahri Balliut./CNA





Lajmet e fundit nga