Rama dhe Kurti kanë mazhoranca solide, ndryshimi mes tyre

23 Qershor 2023, 22:01, Opinione Hysni Gurra

Albin Kurti nuk e ka patur një ditë të qetë në qeverisje qysh kur ka marrë mandatin e dytë për të qeveris Kosovën. Por ditët më të vështira duket se po i kalon këtë muajin e fundit, që kur konflikti në Veri ka agravuar.

Po përballon një trysni të jashtëzakonshme dhe të padrejtë nga ShBA-të dhe një pjesë e Europës. Po përballon rrëmbimin e tre policëve dhe agresionin shovinist të Aleksandër Vuçiçit në kufirin verior të shtetit.

Sikur të mos mjaftonin këto, po i çahet trapi edhe nga kryeministri i Shqipërisë i cili jo vetëm nuk e ndihmon, por e sulmon çdo ditë dhe fut hundët vetëm për t’ia shtuar taksiratet e jo për t’ia lehtësuar siç do duhej të bënte.

Pra, me këtë Albini është në gjendje t’i thotë, aman, mirë që nuk bëhesh krahë, po mos m’u bëj më shumë barrë. Mos më çaj trapin me pak fjalë.

Të gjithë këta sa përmenda provojnë çdo ditë që t’i rrëzojnë qeverinë Kurtit. Dhe këtu është thelbi i gjësë.

Kurti ka një mazhorancë solide në Parlament dhe për fat të mirë nuk ka asnjë deputet që t’i fusë shkopinj nën rrota apo të shitet. Askush nuk e ka trazuar Kurtin në këtë aspekt. Edhe kjo jo se nuk kanë oferta, jo se nuk u është bërë presion ta lëshojnë Kurtin, por ata janë deputetë të zgjedhur me votë të lirë dhe janë të përgjegjshëm. Ata nuk i josht dot e as i shantazhon dot asnjë ambasador, qoftë ky edhe amerikan. Ata nuk e mbështesin Kurtin se ai i shantazhon, e mbështesin sepse secili prej tyre do bënte të njëjtën gjë po të ishte në vendin e Albinit. Ata lexojnë dhe respektojnë vullnetin e votuesit të tyre.

Çfarë ndodh në Shqipëri me mazhorancën e Ramës?

Edhe ky ka një mazhorancë solide prej mbi 6 vitesh. Askush nuk voton e nuk flet nga mazhoranca e Ramës siç mendon vetë, por voton e flet si Rama. Askujt nuk i shkon në mend që të provojë të kundërshtojë kabinetin e Ramës. Askush nuk ka guxim t’i thotë këtij boll i prishe punë Kosovës. Boll fute hundët vend e pa vend. Boll i shërbeve Serbisë.

Pse nuk ndodh kjo?

E para kush ta kundërshtojë; Taulant Balla, Elisa Spiropali që e sheh si skënderbe, Bora Muzhaqi që e sheh si mbret, apo Edona Bilali që e sheh si zeus?

Apo ta kundërshrojë deputeti kosovar Pandeli Majko, i cili e sheh si udhëheqës të madh?

E dyta deputetë e tij nuk e kundërshtojnë se nuk janë të votuar nga populli, nuk janë produkt i votës së lirë, po janë produk i masakrave elektorale. Deputetë e Albinit janë njerëz të arsimuar e të mençur (shumica), deputetët e Ramës janë ca hajvanë nga trutë, të zhytur në korrupsion e afera të pista deri edhe ish anëtarë organizatash kriminale (në mos janë edhe aktualisht). Të dy kryeministrat shqiptar kanë mazhoranca solide. Por ndryshimi është se njëri ka njerëz të votuar e me integritet, tjetri ka ca hajvanë të pa tru e pa pikë integriteti.