web counter
LEXO PA REKLAMA!

SHKARKO APP

App Store
Google Play

Lidhur me kanabizimin e vendit dhe legalizimin e kanabisit "mjekësor"

18 Qershor 2023, 13:26, Opinione Grigor Pelushi

Lidhur me kanabizimin e vendit dhe legalizimin e kanabisit

Nga At Gregor Pelushi

Ështe në fakt një nga temat më të mprehta që duhet trajtuar me kujdesin e duhur.

E para, kanabizimi, është një nga elementet tregues të degradimit të shoqërisë. Në fillim ne vuajtëm një sistem diktatorial komunist dhe më pas u detyruam të kalojmë në atë që shumë e quajnë "shoqëria e hapur" ose "open society".

Ky kontrast prodhoi relativizimin e vlerave në drejtim të absolutes, dhe fitoi terren shpejt në shoqërinë shqiptare, mjafton t'u hidhni një sy ndryshimeve të vlerave në Shqipëri në 30 vitet e fundit, divorcet dhe shkatërrimit të familjes.

Mënyra si "shoqëria e hapur" fitoi terren kaq shpejt është se shtrati ishte liruar më parë nga sistemi komunist, duke shkatërruar mendimin kritik të shqiptarëve, duke i larguar nga traditat, nga vlerat e vërteta dhe nga besimi.

Shqiptarët e famshëm të "besës" u kthyen papritur në banditët e pamëshirshëm të botës, në trafikantët e tmerrshëm, në politikanët e korruptuar, në imoralët e zyrave të shtetit, në ata që konsumojnë "kanabis" nëpër shkolla, bare, shtëpi dhe plazhe.

Kush e ka pra, fajin për gjithë këtë humbje tragjike të dinjitetit të njeriut, për humbjen e ndershmërisë? Për seksualizimin e shoqërisë? Për median "e kapur" dhe "gjobvënëse"?

Për divorcet, për vjedhjet, për dhunën, për vrasjet, për tjetërsimin e pronës së tjetrit, për mosrespektimin e fqinjëve, për çdo gjë të keqe që ka mbirë në tokën e Shqiptarëve!!

Shqiptarët që krenoheshin me famijet e tyre përfunduan të divorcuar dhe të rrënuar me rënien demografike më të lartë në rajon. Kush e ka fajin për këtë dekadencë morale? 

Sipas meje, e gjithë kjo vjen nga mungesa e Besimit, nga relativizmi i vlerave dhe ushtrisë të agjentëve "ndryshues" socialë që veprojnë në të gjitha hallkat e institucioneve vendimarrëse dhe politikëbërjes siç ishte dhe rasti i "legalizimit të kanabisit mjekësor". Çfarë vjen më pas? Për çfarë do bien Kambanat?





14:30 Opinione Ilir Levonja

Basha, heroi i humbjeve

Shumë nga ne e marrin me tallje, e disa të tjerë me shumë ...

12:25 Opinione Agim Xhafka

Një pjatë me bakllava

Sa kishte hyrë janari kur mamaja na tha, ej, u nda Alma ng...

17:48 Opinione Hysni Gurra

T’u harroftë emri!

Prej 20 vjetësh në politikën shqiptare endet një i ‘ri...

Lajmet e fundit nga